Lukas 8:3 - Fanawbuid tagsibaliwas Fakayabian

³ Ay anggan Uana, at mangama Kusa, Erudes at fagsuguan at sadi, ay Susana, ay tiba yak mangena. Kafag ngay mangena nagubuk Isus ay at ngay ufud, siginan nu gfon at ramraman.

Lukas 8:3 ပူးပေါင်းရင်းမြစ်များ

1 Krunika 29:14

Dewa katanya, sinu au ay ku ngay taw laman namon ami sa emu takayu tuy fag fanggalangun? Fagayu nusnge wain siginan emu, ay gfafoli ami sa emu am nafon sa emi.

Isayas 23:18

Ay sa ban taguyan, at nafabul fag ngay salapi wa ban namungsu. Kanya ban fagayu sik famonun sas Yawi laman famul ngayuk fakonun ay at masine fag ngay lanbung ay namon sa sangay taw tagfakamulun sas Yawi.

Mateu 14:1

Ginanya, Erudes, talun Galilea at fun. Kanya nadungug sabaliwas Isus at nafakamulun.

Mateu 14:3

Erudes nalong takatanya aroro ebi ataw kanya andadwa sat kaka Felipe at mangena Erudias. Uan glong gugat sas Erudes te, “Kamabo way o tam faugali nu gtiug o anya.” Nu katanya, kanya nafagamat ay nafaubung Uan laman gfaylatan Erudias.

Mateu 14:6

Ay abandi Erudes anke fagmafulun gina ndasug at fangasalug fag menit. Ay Erudias at baguina gfalelegan at bilug sis salubangan ngay mangama at maful sanya. Ay Erudes maksvn nu kaylat.

Mateu 2:11

Ay nu nasakbo wan sanya fag bale, ay nu nalag kafag sisian ay anggan at mina Maria, kanya fagayu namalub sasad salug ay gseg kafag sisian. Ay kanya nafaduksun at fagsuadan at ramraman, ay nafon sanya fag sisian sik ngay gintu ay ngay famaebebanglu ay anggan ngay lune.

Mateu 20:8

“Ay menit nu kafalyu wan, kafag tagagbilug nalong sat tagalaga te, ‘Fastei at ngay nanamakamulun sa ku tanuman, ay bayadi at nalufuyan. Nu gbayad o, fasigadi siginan taguyan at kindasug ay fatabui sat taguna.’

Mateu 25:40

“Ay au, at Fun, gbalus kban anya fagayu te, ‘Matuyan nu glong au ayu te, ay nafakamulun sat sadi ku faduksay at tiba daga, sa angku nu gfakamulun am.’

Mateu 26:11

Aroro at yud e kwa ste way gugat, ay dewa katanya nu magamut au si ayu, bunwa kabavn.

Mateu 27:55

Ay ngayuk mangena tagdama sit dayu vtv. Kanya fag ngay mangena ebi ginan galo Isus siginans talun Galilea laman ggubuk anya.

Lukas 24:10

Kafag ngay mangena, Maria Magdalena, ay Uana, ay Maria, Santiagu at mina, ay tiba ya at ufud fag ngay mangena. Kanya wa fagayu at nafasaful sas Isus at ngay nasugu.

Uan 12:6

At fagnalongun katanya, bunwa te, kafanyu at ngay yud e kwa, nu bunway kanya sik tagfangkamul way. Aroro kanya wan tagalaga at salapi, tibaginan gbul wan tiba.

Fakamulun 13:1

Sis furuan Antiukya e ngay taglong ay e ngay takamoyung. At ngay ngayan: Bernabe, Simyun (at ngayan yangay te, At Malayung fag Taw), ay Lusyu fag taw Sirene, ay Manaen fun Erudes at fagsud, ay Saulu.

2 Kurintu. 8:9

Aroro nasaful wam te, kaksvn nya tam Fun Isus at fagmagalangun. Dewa kanya maramraman, kanya naubun at fagmaramramanun aroro sa ayu, laman umramraman am siginan at fagyudun e kwa.

Filipus 4:22

Ay tam ngay faduksay tagste, kaugat wan at ngay taggubuk sis talun Ruma at fun at bale daul, glong yangay te, O manabayan tuam?

1 Timuteu 5:10

ay at nafakamulun tua fia at masine, kata nu gfagurang at sisian, ay nu guseganan gfasakbo sat bale at fagyudun toglag fag ngay taw, ay nu ggubuk Dius at ngay nafili ay ngay tagayudan, ay nu gfon at sadili sas nusnge wain fag fakamulun at masine.