Lukas 8:21 - Fanawbuid tagsibaliwas Fakayabian

²¹ Ay Isus nalong te, “Tagdungugan ay tagfaning Dius at Longan, kanya tua ku mina ay ku ngay faduksay.”

Lukas 8:21 ပူးပေါင်းရင်းမြစ်များ

Mateu 17:5

Ay gina Pedru garingang, sik linyabu masulo nasuklub anya fagayu. Ay sanya ginan sad linyabu e naringang te, “Kanya wan ku fakesugun ku Baguama. Maksvn nu guseganan au anya. Dungugani anya.”

Mateu 25:40

“Ay au, at Fun, gbalus kban anya fagayu te, ‘Matuyan nu glong au ayu te, ay nafakamulun sat sadi ku faduksay at tiba daga, sa angku nu gfakamulun am.’

Mateu 25:45

“Ay au, at Fun, gbalus au anya fagayu te, ‘Matuyan nu glong au ayu te, ay yud nafakamulun sat sadi ku faduksay at tiba daga, sa angku nu yud am gfakamulun.’

Mateu 28:10

Ay arodi Isus nalong sanya fag duena te, “Lag kalimu. Loi wan ay foyungi sa ku ngay faduksay, laman sabans talun Galilea. Ay sanya ban nu glag angku.”

Lukas 8:15

Ay at bvtang at kintong sit masine fag daga at masuad, sik taw at nadungug ay takesug tua Dius at Longan, ay tagfabanwan tua sat masine ay sat matuyan fag amatanganan. Ay kanya mafanyan tua anggan narawvg.

Lukas 8:20

Ay e nalong sas Isus te, “Am mina ay am ngay faduksay sis lod bale, gyalagun emu.”

Uan 13:17

Mauseganan tuam, nu natogdungug tuam takatanya fagayu.

Uan 20:17

Ay Isus glong anya te, “Lag o gted angku, aroro kya nkabat sa ku Mama. Loi wan sa ku ngay faduksay ay foyungi te, kabat kwa ban sa ku Mama ay ay Mama, sa ku Dius ay ay Dius.”

2 Kurintu. 5:16

Nu katanya, siginan katsi wami gamatangan ya sabaliwas taw, kata takalag fagayu nusnge wain. Ebi taguna katanya way nu gtoglag ami tam Fun Isus, ay katsi di katanya.

2 Kurintu. 6:18

“Ay au waban fia ay Mama, ay am waban fia ku ngay sisian. Au wan, ay Fun at mabalyanan, at nalong takatanya.”

Santiagu 1:22

Dangay am sik tagdungugan lang Dius at longan, nu bunway faningi tua. Aroro nu dway am gfaning, gdaya way am ay sadili.

1 Uan 2:29

Nasaful wam te, tam Isus matuyan, ay saful yangay am te, fagayu taw tagfakamulun at matuyan, kanya Dius at sisian.

3 Uan 1:11

Ku fakesugun, lag o gfaning at fagmauriun, nu bunway faningi tua at masine. Tagfakamulun at masine, kanya Dius at taw. Ay tagfakamulun at mauri, at yud way gtoglag Dius.