Lukas 8:2 - Fanawbuid tagsibaliwas Fakayabian

² ay anggan sik ngay mangena. Kafag ngay mangena ebi anke mauri fag ngay falad ay tiba anke fakasaitun, ay abandi anfia wan. At sadi tagalo anya, Maria, at ngayan yangay te, Magdalena. Ebi fituk mauri fag falad naubun anya.

Lukas 8:2 ပူးပေါင်းရင်းမြစ်များ

Mateu 4:24

Ay andungug Isus at fakamulun sas fagdaul talun Sirya. Ay sanya fag ngay taw nataban sa anya fagayu at ke fakasaitun, dewa snga setaw fag fakasaitun, ay at ngay taginkidapan sas faganinianun, ay anggan ngay tagfansaful, ay anggan tagfatfat fag ngay taw, ay anggan at yud malao. Ay Isus nafafia tua anya fagayu.

Markus 16:1

Famiangalay fag Menit nu nlangfe wan, Maria Magdalena, ay Salume, ay anggan Santiagu at mina fag Maria, nanamayad sik famaebebanglu, laman ro at fanrarus sas Isus at bilug.

Markus 16:9

Isus gina nadog yay gleleg sis Linggu sbalabag sirut, kanya ansure sas Maria Magdalena. Ebi Isus naiyan siginan anya fituk mauri fag falad.

Lukas 23:27

Ay sik ngay taw naguyan Isus, ay anggan tibak mangena grungan way lang sirut gwayway, aroro kafanyu Isus.

Lukas 23:49

Ay Isus at ngay fagadgalangan, ay anggan ngay mangena at nanangalo anya siginans talun Galilea, malindug sit dayu ay nalag yangay at kinfasludan ginanya.

Lukas 23:55

Kafag ngay mangena, ebi tagalo Isus siginans talun Galilea, naguyan Use ay nalag at fagfolian ay anggan nu gfoli at bilug sanya.

Lukas 8:30

Ay Isus nainto anya te, “Sinu am ngayan?” Ay kafag taw nabalus te, “Tangayu.” Kanya nalong takatanya aroro ngayuk mauri fag falad tagsi anya.

Uan 19:25

Isus at mina ay at bay, ay Kleupas at mangena fag Maria, ay Maria Magdalena, malindug munakbang sis Isus at fasulungan kayu.

Fakamulun 1:14

Kanya fagayu gfataglayun tua nu masadi laman gdarangin, gasfuan ngay mangena ay anggan Maria, Isus at mina, ay Isus at ngay faduksay.