Lukas 8:18 - Fanawbuid tagsibaliwas Fakayabian

¹⁸ Amatangani fia kaduge am gdungugan, aroro nusnga sinu at ke kwa, e gfamut yay ban. Ay nusnga sinu nu alay way tagsi anya, e namul way ban siginan anya, anggan at amatanganan te, Tuy angku way.”

Lukas 8:18 ပူးပေါင်းရင်းမြစ်များ

Fangatulun 14:12

Nu gamatangan o, am faglaoan fag dalan sa tua ro at matuyan, ay aroro mangaro sa ways fakabulun.

Mateu 13:12

Sik taw at ke kwa, e gfamut yay ban laman umkayu tagsi anya. Ay sik taw nu alay way tagsi anya, e namul yay ban siginan anya.

Mateu 25:29

Aroro sik taw at ke kwa, e gfamut yay ban laman umkayu tagsi anya. Ay sik taw nu alay way tagsi anya, e namul yay ban siginan anya.

Markus 13:14

“Ay lumag ban am at maksvn fag mauri tagfayud e masuad Dius at bale, ay kanya ban malindug sat yud matuyan fag faglindugan. (Nusnga sinu tagtap tuy fag longan, atogdungugi.) Ginanya ban, fagayu taw tagsis talun Udea lagyui wan sa sangay buksul.

Lukas 19:26

“Ay at tagfayafun nalong te, ‘Dewa. Gfoyung au ayu te, sik taw at ke kwa, e gfamut yay ban sa anya. Ay sik taw nu alay way tagsi anya, e namul way ban siginan anya.

Lukas 9:44

“Dungugani fia masine, aroro e namoyung ban angku, Taw at Baguama, sat mauri fag ngay taw.”

Uan 15:2

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Fakamulun 10:33

Nu katanya, nafauro au emu. Ay fadi fadi andasug tuo stae. Ay katsi maful ami ste sis Dius at daga salubangan laman gdungugan tam Fun at ngay longan siginan emu.”

Fakamulun 17:11

Ay sis furuan Berea at ngay taw amalukme yap tua sis furuan Tesalunika at ngay taw. Sanya fag ngay taw maksvn nu kaylat gdungugan Pablu at foyungan, ay gtap gugat Dius at Longan kayu menit laman gtuyan te, o matuyan at foyungan.

Ruma 12:3

Aroro Dius nafon tua sa angku tiba tungud fag fagmasineun, glong au sa ayu fagayu te, lag am gamatangan te, gtungud tuam ay iba, nu dway matuyan, nu bunway amatangani fia ay kayaunanan at matuyan, kata ay fagafanudun Dius at nafon sas galay ayu at sadi.

1 Kurintu 14:37

Ay nusnga sinu fag taw tagamatangan te, kanya sik tagfayamag Dius at longan ay e fagmakatuun siginan at Masine fag Falad, masine kanya nu gsaful yangay te, ku rirukan sa ayu tam Fun at suguan.

1 Kurintu 3:18

Nusnga sinu lag gdaya at sadili. Sik taw nu gamatangan te, e fagmamatanganun au kata tagste swa daga at fagmamatanganun, tapi at sadili te, yud e fagsafulun, laman ban at fagmamatanganun sik matuyan tua fia.

1 Kurintu 8:2

Sik taw nu gamatangan te, e fagsafulun, at matuyan, wa ngayu at fagsafulun.

Filipus 3:4

Ay kin, nu siginan di takatanya e fagmafamatungudunun au. Ay tibak taw nu gafanud way sas taw at faugali, au, kaugat wan.

Ebreu 2:1

Nu katanya, masine nu gbakvd tua tam fia tam ngay nadungug laman di tam kalyam.