Lukas 8:15 - Fanawbuid tagsibaliwas Fakayabian

¹⁵ Ay at bvtang at kintong sit masine fag daga at masuad, sik taw at nadungug ay takesug tua Dius at Longan, ay tagfabanwan tua sat masine ay sat matuyan fag amatanganan. Ay kanya mafanyan tua anggan narawvg.

Lukas 8:15 ပူးပေါင်းရင်းမြစ်များ

Alubad. 119:11

Gfasi ktua ban gugat ku amatanganan am ngay longan, laman ban kdi gasalanan sa emu,

Alubad. 51:10

Dius, foni angku at matuyan fag amatanganan, ay fafolii ku fagmatuyanun.

Fangatulun 3:1

Ku sisian, lag o kalyam ku ngay foyungan emu. Fasii tua gugat am amatanganan ku ngay suguan.

Eremyas 15:16

Yawi, ebi gina o garingang sa angku, nadungugan au emu, ay guseganan au am ngay longan, ay kabavn si ktua gugat emu.

Eremyas 31:33

Yawi nalong yangay te, “Katatuy at bagu fag nasadian ku fagnangawatun, laman ban ngay taw Israel at fagaloan sa takadasug fag ngay buknga: Griruk kban sat ngay amatanganan ku ngay foyungan. Au waban fia kanya fagayu at Dius, ay kanya ban fagayu ku ngay taw.

Eremyas 32:29

Ay kanya ban fagayu girug wan tuy fag furuan, anggan at ngay bale ke ugun at madatag nu inda ste fag ngay taw nafae fakadotamaun angku siginan nu girug at famaebebanglu fag ngay fanggalangun laman sas Baal fag fagsegan ay anggan nu gfon fanginum fag fanggalangun sa tiba yak fagsegan.

Mateu 24:13

Ay dewa katanya at namabakvd sat fagafanudun sitsigons fakatabuan, umlangfe tua ban.

Lukas 11:28

Ay Isus nalong te, “Kaugat yay nu mauseganan tagdungugan Dius at Longan ay gfaning.”

Lukas 6:45

Sik masine fag taw at longan masine tua aroro at amatanganan masine. Ay sik mauri fag taw mauri way at longan, aroro at amatanganan mauri way. Aroro sik taw glong nusnga setaw tagsit amatanganan.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Lukas 8:16

“We taw namasalung sik salung, ay gtabun sik fagsuadan ay mannga namasas daga fagtiugan, nu bunway namasa tuas fagfatungkudan, laman ngay taw nu nasakbo lumag at damlag.

Uan 14:15

“Nu kesug tuam angku, gfaning tuam ku ngay suguan ayu.

Uan 15:10

Nu gfaning tuam ku ngay suguan, gbanwan tuam sa ku fakesugun, kata nu gfaning au ku Mama at ngay suguan ay gbanwan sat fakesugun.

Ruma 2:7

Ay Dius ban gfon leleg at yud e fakatabuan, sa sangay taw tagfakamulun tua gugat at masine, laman grvbvy fagmasineun, ay famauseganan, ay fagyudun kabul.

Ruma 6:22

Ay katsi nalfas wam siginans asalanan, ay Dius tuam at ngay fagsuguan. Ay sanya ginan anke leleg tuam at yud e fakatabuan.

Ruma 7:18

Nasaful au te, we masine ya tagbanwan si angku. Dewa maksvn nu kaylat au namakamulun at masine, kwa mafakamulun.

Ruma 7:4

Ku ngay faduksay, katanya yangay am. Siginan tam Fun Isus at nabulanan, anbul wam sabaliwas Muisis at Faugali, ay ansadi tuam sas Isus, kanya at nadog naleleg siginans at fagmabulanan. Fakatanyaun, laman e tungkul tuam sas Dius.

Ruma 8:25

Ay nu gfanya tua tam tam nayud yay nalag, gugatan tua tam gfanya.

1 Kurintu 7:19

Aroro wa mafanud sik taw dewa e fakatoglagan ay deyud e fakatoglagan. At mafanud nu gfaning tua Dius at ngay suguan.

Efesu 2:8

Siginan Dius at fagmagalangun anlangfe am aroro gafanud tuam. Ay kafag fakalangfean bunwa siginan ayu, nu bunway siginan tuas Dius at famonun,

Deuterunumyu 30:6

Ay sanya ginan ban ay Dius Yawi gfabali ay ngay amatanganan ay anggan ay ngay kasugfunanan at ngay amatanganan, laman ban kesug tuam fia anya, ay ngaduge tua ban nu gleleg am.

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.

Kulusas 1:10

Katanya em darangin laman mafafaning tuam at masine ay at maylat sa tam Fun, ay laman diam e fagayudanun sat masine fag fakamulun, ay kaksvn tua nu katoglag am tam Dius.

Kulusas 1:6

at kindasug sa ayu. At Masine fag Barita karapyag sas fagdaul daga, ay ngayuk taw gafanud kata ayu, siginan nu bagu am gdungug ay gtogdungug Dius at kagalangan.

Ebreu 10:36

Agwantani tua, laman mafafaning tuam Dius at fakaylatun, ay laman ban magbilug tuam at fatuyanan.

Ebreu 2:1

Nu katanya, masine nu gbakvd tua tam fia tam ngay nadungug laman di tam kalyam.

Santiagu 1:4

Agwantai fagayu ay fagagwantanun, laman diam e malong, ay di e kurang ay ugali.

1 Uan 2:3

Siginan nu gfaning tam Dius at longan, gtuyan tam te, toglag tam anya.