Lukas 8:14 - Fanawbuid tagsibaliwas Fakayabian

¹⁴ Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Lukas 8:14 ပူးပေါင်းရင်းမြစ်များ

Mateu 13:22

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay kanya nafaut at nadungug fag longan, ay wa narawvg.

Markus 4:19

ay dewa katanya, kanya fagayu gafanawa at leleg ste swa daga, ay kesug at fagmaramramanun, ay anggan galabian ramraman, ay kanya nafaut at nadungug fag longan, ay wa narawvg.

Lukas 16:13

Sik taw wa mafasfuan gfaning duak fun. Aroro kauri ro at sadi, ay kesug at sadi. Ay gfaning at sadi, ay kamabo sat sadi. Wam mafasfuan mafafaning Dius ay sas ramraman.”

Lukas 21:34

“Mafalganani, laman diam gfangkumon ay glanguan ay gafanawa sabaliwa ay famanwanun, aroro kafag menit umdasug kasakit sik abvt nu kasalan.

Lukas 8:13

Ay at kintong fag ngay bvtang sa tagagangun, kata ngay taw at nadungug Dius at Longan ay masakit nu gafanud ay guseganan. Ay kanya fag ngay taw nu gafanud wa glugo, kata way kafag bvtang nu yud nalalid, aroro nu ndasug famaskud, kanya fagayu gfangafoliun way.

Lukas 8:15

Ay at bvtang at kintong sit masine fag daga at masuad, sik taw at nadungug ay takesug tua Dius at Longan, ay tagfabanwan tua sat masine ay sat matuyan fag amatanganan. Ay kanya mafanyan tua anggan narawvg.

Lukas 8:7

Ay tibak bvtang antong sas wa makmak madugi, ay kafag makmak anbia ay nafaut at tanuman.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

2 Timuteu 4:10

Demas naubun wan angku aroro at fakesugun tagste way swa daga. Kanya nalo wan sas furuan Tesalunika. Ay Krisinti nalo wan sas talun Galasya. Ay Titu nalo wan sas talun Dalmasya.

Ebreu 6:1

Nu katanya, tam fagadalun sabaliwa tam Fun Isus, diwan ya taguna fag foyungan, nu bunway tagfaksvn tua tam fagafanudun. Lag tam gdog gadal sabaliwa nu gubun tam tam ngay nafakamulun at mauri tagfadasug antam sas fakabulun, ay sa baliwa nu setain nu gafanud tam sas Dius, ay sabaliwa nu gfasurung, ay sabaliwa nu e gfoli at daluap sas taw at alfuyu, ay sabaliwa at ngay kinbul nu gdog gleleg ay sabaliwa at yud e fakatabuan fag faurianan. Nu katanya yay gugat tam fagadalun, kata nu gdog tam nanturuk.