Lukas 8:13 - Fanawbuid tagsibaliwas Fakayabian

¹³ Ay at kintong fag ngay bvtang sa tagagangun, kata ngay taw at nadungug Dius at Longan ay masakit nu gafanud ay guseganan. Ay kanya fag ngay taw nu gafanud wa glugo, kata way kafag bvtang nu yud nalalid, aroro nu ndasug famaskud, kanya fagayu gfangafoliun way.

Lukas 8:13 ပူးပေါင်းရင်းမြစ်များ

Ub 19:28

Nu gfataglayun wam gfalingun angku te, gidapan kwan aroro sa ku asalanan,

Fangatulun 12:12

At mauri fag taw at fakaylatun, fagmauriun way, dewa katanya, at matuyan fag taw, maksvn tua at amatanganan kata sik fun kayu tangabasad nu glalid.

Fangatulun 12:3

Sik taw tagfakamulun at mauri wa maksvn at amatanganan, dewa katanya, sik taw at matuyan, maksvn tua at amatanganan, kata sik fun kayu tangabasad at lalid.

Isayas 58:2

Kayu menit, kanya fagayu nangakbang tua sa angku, laman nanginsaful ku ngay balyawvtan. Ay nu gdama au, kanya fagayu kata sik talun at ngay taw at yud e malong ay at yud kamabo ku ngay suguan. Ay gfalag sa angku te, kaylat nangakbang sa angku ay nanget sa angku fagmatuyanun.

Esekyel 33:32

Nu sa kafag ngay taw, kata way o sik tagsaful galubad sabaliwa nu kedkesugan, ay sik tagsaful gfawang ngay fagfawangun. Kafag ngay taw gdungugan way lang am ngay longan, ay wa gfaning.

Usea 6:4

Dewa katanya, Yawi nalong sas Israel ay sas Uda te, “Nataw ku fakamulun sa ayu? Nu kesug am angku wa matuyan, kata way sik ayuyus ay kata sik damug masakit kalyam.

Markus 6:20

aroro Erudes kalimu Uan, ay nasaful te, masine at ugali ay we asalanan. Ay kanya ggubuk Uan. Ay Erudes nu nadungug Uan at foyungan, galakayan at amatanganan. Dewa katanya, Erudes kaylat gdungugan.

Lukas 8:12

At kintong fag bvtang sasad dalan at masuad, sik taw at nadungug Dius at Longan, ay arodi vtv Satanas andasug ay nabul kafag Longan siginan kafag taw at amatanganan, laman kanya wa gafanud ay wa ban kalangfe.

Lukas 8:14

Ay at kintong fag ngay bvtang sas wa makmak at madugi, kata ngay taw at nadungug Dius at Longan, ay dewa katanya, kanya fagayu gafanawa way at leleg ste swa daga, ay kesug way at fagmaramramanun, ay at fakaylatun ste swa daga nafaut at amatanganan, ay at rawvg wa nlesan.

Uan 15:2

Ay ku ngay sanga at yud grawvg, ku Mama ggatvng wan, ay tagrawvg fag ngay sanga, ku Mama galaga laman ngayu nu grawvg.

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Uan 5:35

Uan kata sik salung gigang gyamag, ay guseganan am sat buba fag fagmayamagun.

1 Kurintu 13:2

Ay dewa ro au makatu gfasaful Dius at longan, ay dewa ro au saful gfayamag at masuksuk fag ngay longan, ay dewa ro au saful fagayu fagsafulun, ay dewa ro au mafafalin buksul siginan ku fagafanudun at kaksvnan, nu dway ngap si angku fakesugun, kwe tungkul.

1 Kurintu 15:2

Ay nu gbakvd tuam fia ku foyungan, umlangfe tua ban am, ay dewa katanya nu dway katanya we tungkul ay fagafanudun.

Galasya 3:1

Am fag ngay taw Galasya wam mamatanganan! Kata nu e nafasagsagan ay amatanganan. Mayamag oma at foyungan sa ayu sabaliwas Isus tam Fun at nabulanan sas fasulungan kayu.

Galasya 3:4

O we masuad ya sa ayu ay nagdalanan? Malgau sabv yay.

Efesu 3:17

Tam Fun Isus nangus gbanwan si ay ngay amatanganan aroro gafanud tuam sa anya. Ay gdarangin kyangay te, maksvn am sis Dius at fakesugun, kata sik kayu tangabasad at lalid,

Kulusas 1:23

Katanya ban at kumfasludan nu gbanwan tuam matuyan ay nu gfaksvn tuam ay fagafanudun, ay nu ddi am gubun at Masine fag Barita at nafon sa ayu fag fagsegun. Katanya ay nadungug fag Masine fag Barita, at nafoyung wan sas fagayu taw. Au, Pablu, sik fagsuguan laman kamoyung takatanya.

Kulusas 2:7

Fataglayuni nu mabakvd am si tam Fun Isus, ay fagbilugi sa anya ay leleg, ay faksvni ay fagafanudun kata at foyungan sa ayu, ay kabavn useganani.

1 Tesalunika 3:5

Ay aroro kwa magwanta ya, nasugu au sa ayu Timuteu laman gfadungug emi sabaliwa nu gafanud am. Ay namatangan au te, manafaylatan am Satanas, nu katanya, umfangulan ban em nainlufuyanan.

1 Timuteu 1:19

ay laman e fagafanudun tuo ay masine am amatanganan. Tibak taw wa gfaning at matuyan fag amatanganan, nu katanya, kanya fagayu nafalyam at fagafanudun.

Ebreu 10:39

Ay itam di tam katap sa sangay taw at natalyuyan ay tagafaurianan ban, nu bunway katap tua tam sa sangay taw tagafanud sas Dius ay at kumlangfe.

Santiagu 2:26

Sik taw at yud e falad ya, mabulan wan, ay katanya yangay fagafanudun nu dway e fakamulun mabulan way.

2 Pedru 2:20

Kafag ngay taw nu nalfas ste ginan swa daga fag fagmauriun siginan nu gtoglag Isus, tam Fun ay tam Tagfalangfe, ay kanya fagayu nu nfoli way ay nadog nagbilugan asalanan, nu mauri gtungud yay ebi taguna.

2 Pedru 2:22

Anud sik longan te, “Idu nu nafangkok, gdog yay kon at fangkok,” ay “Dewa e nafegus sik bumbu, nangafoli yay sat faglibliban.”

1 Uan 2:19

Ebi, kafag ngay tagfawayan tam Fun Isus magamut tua antam, ay katsi naubun wan antam. Kanya fagayu bunwa fia tam ibama, aroro nu tam ibama di, masadi tua ro tam nangus gugat. Ay kanya naubun way antam, sik famasaful te, kanya fagayu bunwa tam ibama.

Udas 1:12

Kafag ngay taw gina gasfuan ayu gfangon, gfae fakaplaun ayu, aroro kanya fagayu gfangkumon. Ay at fagamatanganun at sadili way lang fakaylatun. Kanya fagayu kata way at yud e arak fag linyabu, tagabuban tagmara, ay kata yangay sik tanum tagrare yud grawvg dewa ndasug fanrawvgan, ay an-gulad, ay at lalid anyango wan.