Lukas 7:47 - Fanawbuid tagsibaliwas Fakayabian

⁴⁷ Aroro katanya, ku longan emu, tuy fag mangena at ngay asalanan, dewa ngayu, nalyam wan, ay nu katanya maksvn nu kesug angku. Ay sik taw nu alay way at nafalyam fag asalanan, alay way nu kesug.”

Lukas 7:47 ပူးပေါင်းရင်းမြစ်များ

Isayas 1:18

Yawi glong te, “Wainyayam, gyadyamagan watam! Dewa maksvn ay fagmauriun namalaksi au ayu, kata nu gbakbak at masuya fag ramit ay at kinfegus wan, laman umkata am sik dingin at barugwak nu malaksi.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Esekyel 16:63

Ginanya ban gamatang o am ngay asalanan ay umkapla ban o, kaugat waban nu nafalyam kwan fagayu am nafakamulun mauri, wa ban o maringang ya at kaksvnan nu kapla o. Au, Fun Dius Yawi taglong tuy.’ ”

Mikas 7:19

Gdog yay ban o kafanyu emi ay gfalyam em ngay asalanan kata ebi am nafakamulun, ay nangukas o sasad fagngabasadan dagat.

Mateu 10:37

“Ay nusnga sinu takesug angku nu dway gtungud nu kesug at mama ay at mina, wa masine nu gfangayan au anya te, ku taw. Ay katanya yangay nusnga sinu takesug angku nu dway gtungud nu kesug at baguama ay at baguina, wa masine nu gfangayan au anya te, ku taw.

Lukas 7:39

Ay kafag taw Fariseu, at nagewan Isus, nu nalag kafag mangena at nafakamulun, gamatangan te, “Tuy fag mangama, nu Dius di at taglong at sadi, kanya ro saful te, sinu tuy fag mangena tagted anya, aroro kanya sik tagasalanan.”

Lukas 7:46

Wo nafatayuk langis sa ku alfuyu. Ay tuy fag mangena nafatayuk famaebebanglu sa ku darafa.

Lukas 7:48

Isus nalong sanya fag mangena te, “Nalyam wan am ngay asalanan.”

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

Ruma 5:20

Muisis at Faugali andasug laman gfasaful sa antam te, kaksvn nya nu kamabo. Dewa katanya, nu setain asalanan nu nkayu, kaugat wan Dius at fanggalangun nu nkayu.

2 Kurintu. 5:14

Tam Fun Isus wan at fakesugun tagsugu emi katanya. Aroro nasaful wami te, kanya anbul laman sas fagayu taw, nu katanya, fagayu tam antap yangay tam te, anbul tam gasfuan anya.

Galasya 5:6

Aroro nusnga sinu at kinsadi sa tam Fun Isus, we tungkul ya dewa e fakatoglagan ay yud e fakatoglagan. Nu bunway, at mafanud, ke fagafanudun tua takalag sit fakamulun siginan nu mafangesug.

Efesu 6:24

Dius at fagmagalangun sumawa nangus fia ayu fagayu, am takesug fia tam Fun Isus.

Filipus 1:9

Gdarangin au sas Dius laman kaksvn nu kedkesugan am, ay kae fagsafulun ay fagmamatanganun,

1 Timuteu 1:14

Tam Fun nafon angku at maksvn fag fagmagalangun gasfuan fagafanudun ay fakesugun siginan tam Fun Isus.

1 Uan 1:7

Nu glao tua tam sasad mayamag, kata Dius nu sisad mayamag, e fagmasadiun tua tam sas galay at sadi, ay at Baguama Isus at taguk gfasine tam ngay asalanan.

1 Uan 3:18

Ku ngay sisian, nu kesug tam tam ngay iba, dangay lang si tam longan, falagi tua siginan tam fakamulun at matuyan.

1 Uan 4:19

Si tua antam fakesugun aroro Dius nesug tua antam.

1 Uan 5:3

Katatuy nu kesug tam tam Dius: gfaning tua tam at ngay suguan. Ay at ngay suguan wa maidap gfaning.