Lukas 7:39 - Fanawbuid tagsibaliwas Fakayabian

³⁹ Ay kafag taw Fariseu, at nagewan Isus, nu nalag kafag mangena at nafakamulun, gamatangan te, “Tuy fag mangama, nu Dius di at taglong at sadi, kanya ro saful te, sinu tuy fag mangena tagted anya, aroro kanya sik tagasalanan.”

Lukas 7:39 ပူးပေါင်းရင်းမြစ်များ

2 Fun 5:20

Gekasi namatangan te, “Ku tagfayafun nangus wa naylat Naaman fag taw Aram nu glao yakmay nabul at famonun. Gfatuyanan au sas Yawi, tagleleg fag Dius te, nangguyan au anya ay namul at famonun.”

Fangatulun 23:7

Aroro takatanya fag taw gulit way fia emu galay o gsamsam. Ay glong te, “Oni way gugat.” Dewa katanya, wa katanya at amatanganan.

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Mateu 20:16

Ay Isus nalong te, “Nu katanya, at naguyanan, kanya ban gumuna, ay at naguna, kanya ban gaguyanan.”

Mateu 21:11

Ay tibak taw nabalus te, “Kanya Isus, Dius at taglong tagsiginans furuan Nasaret sis talun Galilea.”

Markus 7:21

Aroro tagsiginan sik taw at amatanganan kasure at mauri fag ngay algan, kata nu gfanugtug sat yud e indugan, ay nu gfangkamul, ay nu gfabul,

Lukas 12:17

Ay kanya gamatangan te, ‘Tain ban ku fakamulun? Aroro kwe fagfasakboan ya tiba ku gutluan.’

Lukas 15:2

Ay ngay taw Fariseu anggan ngay tagfoyung Muisis at Faugali gibugan te, “Kafag taw gfakamatoan way tagasalanan ay gfasfuan anya gfangon.”

Lukas 16:3

“Ay at fagfatigwanan namatangan te, ‘Ku fun gaiyanun wa angku, bunwa ban au ya at fagfatigwanan. Tain ro ku fakamulun? Kwa makatu ggamas ay kapla kway gfangetan.

Lukas 18:4

“Ebi taguna kafag tagwabilug kauri ggubuk, ay abandi kanya namatangan te, ‘Dewa yud au gseg Dius, ay deyud au kafanyu ngay taw,

Lukas 3:8

Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Lukas 7:16

Ay fagayu taw kalimu ay naseg Dius te, “Sik mabalyanan fag taglong andasug sa antam. Dius andasug sat ngay taw.”

Lukas 7:37

Ay sanya fag furuan e sik mangena, takadungug te, e asalanan. Kanya nadungug te, sanya fag bale Isus nu gfangon. Nu katanya, kafag mangena nabuba sik famaebebanglu fag mamam, at fagsuadan mawatan siginans gang alabastru,

Lukas 7:38

ay kanya malindug sis Isus at day guyuy, sit day darafa ay gwayway. Ay at liasun nafabasa Isus at darafa, ay at fangarus at buk wan, ay nayuk, ay sanya ginan nafatayuk at buba fag famaebebanglu.

Lukas 7:40

Ay Isus nalong te, “Simun, e longan au emu.” Ay Simun nabalus te, “Foyungi angku, Takamoyung.”

Uan 4:19

Kanya fag mangena glong te, “Fagmangama, nu kamatangan, Dius o at taglong at sadi.

Uan 7:12

Ay ngayuk taw tagibugan sabaliwa anya. Tibak taw glong te, “Kanya masine fag taw.” Ay tiba glong way te, “Kanya gfandaya way.”

Uan 9:24

Ay kafag ngay tagfangguna gdog yay gfauro at yud dan glag ay glong anya te, “Sis Dius at daga salubangan foyungi sa emi at matuyan. Nasaful ami te, kanya fag taw sik tagasalanan way.”