Lukas 7:37 - Fanawbuid tagsibaliwas Fakayabian

³⁷ Ay sanya fag furuan e sik mangena, takadungug te, e asalanan. Kanya nadungug te, sanya fag bale Isus nu gfangon. Nu katanya, kafag mangena nabuba sik famaebebanglu fag mamam, at fagsuadan mawatan siginans gang alabastru,

Lukas 7:37 ပူးပေါင်းရင်းမြစ်များ

Mateu 21:31

“Inday ro sanya fag duksay at nafaning at mama at fakaylatun?” Ay kafag ngay taw gbalus te, “At taguna.” Ay Isus nalong yangay anya te, “Matuyan nu glong au ayu te, ngay tagbul famayad laman sas fun ay ngay takamatugtug gumuna ayu nu nangatap sas Dius at fagfagtainanan.

Lukas 18:13

“Ay kafag tagbul famayad laman sas fun namalindug ngayayu siginan tibak taw ay wa gtangda, aroro kapla. Kanya grungan ay glong te, ‘Ku Dius, afanyui angku, aroro sik tagasalanan au.’ ”

Lukas 19:7

Ay tibak taw nu nalag, gibugan te, “Isus nasakbo sa sik tagasalanan at bale.”

Lukas 5:30

Ay sanya fag ngay taw Fariseu ay anggan tagfoyung Muisis at Faugali, kauri Isus at ngay tagadal ay ginto te, “Wain manga nu gfangon am ay nu ginum am, ay fagfasfuanun ngay tagbul famayad laman sas fun ay anggan ngay tagasalanan?”

Lukas 5:32

Aroro ku fagnastaeun kwa namaful sa angku at matuyan fag ngay taw, kayu way ke asalanan, laman gubun at ngay asalanan.”

Lukas 7:34

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’

Lukas 7:36

Sik taw Fariseu ggewan Isus laman nanfangon sat bale. Ay Isus nanangalo anya ay malunggung sit fagfangonan.

Uan 11:2

Maria wan at naugwag famaebebanglu ay at narus at buk sa tam Fun at darafa. Lasaru anke fakasaitun,

Uan 9:24

Ay kafag ngay tagfangguna gdog yay gfauro at yud dan glag ay glong anya te, “Sis Dius at daga salubangan foyungi sa emi at matuyan. Nasaful ami te, kanya fag taw sik tagasalanan way.”

Uan 9:31

Nasaful watam te, Dius wa gdungugan ngay tagasalanan, nusnga sinu way lang tagfakamulun at fakaylatun at fagdunguganun.

Ruma 5:8

Ay dewa katanya, tam Fun Isus anbul aroro sa antam gina tam sik ngay tagasalanan yay. Katanya Dius nu gfalag sa antam te, kesug antam.

1 Timuteu 1:15

Tuy at matuyan fag longan tam fagfaningun fia ay tam fagafanudun: tam Fun Isus andasug ste swa daga laman namalangfe ngay tagasalanan. Ay au wan at maksvn nu mauri sas fagayu.

1 Timuteu 1:9

Amatangani te, nusnge wain fag faugali bunwa sat matuyan fag ngay taw, sa way takamabo, ay sa takauri, ay sat yud gtoglag Dius, ay sa tagasalanan, ay sat yud gsuyu Dius, ay sat yud gafanud ay sa tagfabul at mama ay at mina, ay sa tiba yak takamabul,

1 Pedru 4:18

Kata sit Rirukan at foyungan te, “Sik matuyan fag taw nu maidap way nangalangfe, tain ya ro manga sik tagasalanan at yud natoglag Dius.”