Lukas 7:19 - Fanawbuid tagsibaliwas Fakayabian

¹⁹ Ay Uan nauro at tagadal at dua, ay nasugu laman nanginto sa tam Fun te, “O o wan ebi at foyungan tagakadasugun, ay o mannga gfanya yay ban mi?”

Lukas 7:19 ပူးပေါင်းရင်းမြစ်များ

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Isayas 11:1

Dabid at kasugfunanan kata sik nagtudan kayu at natandug. Ay umdasug ban sik fun siginan Dabid at kasugfunanan.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Agay 2:7

ay anggan fagayu talun, ay kanya ban fag ngay talun at taw namuba at ngay ramraman sa ku bale. Ay umkapnu ban sa ku bale nusnge wain at mafanud.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Markus 6:7

Ay Isus nafaful at nasugu fag labi dua ay nasugu anya fagayu dewa nday, gadgaloan dua. Ay Isus nafae fagmabalyananun anya fagayu laman mafaiyan at mauri fag ngay falad.

Lukas 10:1

Nu ntabu wan aro taw at longan, tam Fun nafili at tagadal tiba, fituk safulu e dua. Ay Isus nasugu tagdua, laman nangguna anya sat fagnangadasugan ban fag ngay furuan ayu daul ay fag ngay furuan ayu sirut.

Lukas 11:1

Sik menit, Isus gdarangin si sik talun, ay nu ntabu wan nu gdarangin, at sadi at tagadal nalong anya te, “Em Fun, foyungi emi tagdarangin kata ebi Uan nu gfoyung sat ngay tagadal.”

Lukas 11:39

Ay tam Fun nalong anya te, “Am, ngay taw Fariseu, gfegus am ay faginuman fag taya ay ay laman at guyuy. Ay ay basad taw mapnu fagfangalabianun ay fagmauriun.

Lukas 12:42

Ay tam Fun nabalus te, “Katatuy at matuyan ay at mamatanganan fag tagalaga. At tagfayafun nasugu anya te, ‘Alagai ku ngay fagsuguan ay fafangoni tua anya fagayu galay fanfangonan.’

Lukas 13:15

Ay tam Fun nabalus te, “Am fag ngay takamaningan, fagayu am gluas way am ay baka ay ay kabayu siginans fagfangonan, dewa sis Famiangalay fag Menit, laman nantaban sas fagfainuman, o kin.

Lukas 17:5

Tam Fun at ngay nasugu nalong sa anya te, “Faksvni em fagafanudun.”

Lukas 17:6

Ay tam Fun nabalus te, “Nu e fagafanudun di am kadaul sik rigrig burarad, malong am snay fag kayu te, ‘Aguladi ay alini sasad dagat,’ ay kanya ro gfaning ay longan.

Lukas 18:6

Tam Fun nalong te, “Amatangani at yud matuyan fag tagwabilug at longan.

Lukas 19:8

Sakyu namalindug ay nalong sa tam Fun te, “Ku Fun, dungugani, gwabilug ban ku ramraman namon kwan sat yud e kwa. Ay fagayu ku nafandaya gina au gbul ngay taw at famayad, gfafoli kban ufatk kayu nya.”

Lukas 22:61

Tam Fun anbiling ay nadama Pedru. Ay Pedru namatang tam Fun at nalong sa anya te, “Gina ro tabag yud natarakit, tulu ginan ro wo kamuag te, wo toglag angku.”

Lukas 24:34

Ay at maful nalong te, “Anud wan, tam Fun gdog yay gleleg ay ansure sas Simun.”

Lukas 7:13

Ay tam Fun, nu nalag kafag fagbubayun, kafanyu, ay nalong te, “Lag o gwayway.”

Lukas 7:20

Ay at ngay tagadal nu ndasug sas Isus, glong te, “Uan Tagfasurung nasugu emi sa emu, laman nanginto te, ‘O o wan ebi at foyungan tagakadasugun ay o mannga gfanya yay ban mi?’ ”

Uan 11:2

Maria wan at naugwag famaebebanglu ay at narus at buk sa tam Fun at darafa. Lasaru anke fakasaitun,

Uan 4:1

Ngay taw Fariseu nadungug te, ngay taw tagalo Isus ay at nafasurung ayu yap tua tagalo Uan ay at nafasurung.

Uan 4:25

Kafag mangena glong te, “Nasaful kwan kadasug ban Dius at nafili fag Fun, (at ngayan yangay te, Mesias.) Ay gina ban andasug, kanya gfayamag sa emi fagayu nusnge wain.”

Uan 6:23

Ay tibak sakayan lino siginans furuan Tiberias andasug munakbang sa kafag ngay taw at fagmafulan nu inda ngay taw nu kon tinapay gina tam Fun naseg Dius.

Uswe 2:1

Sanya ginan, Uswe gfalganan sik masuksukan fag balyawvtan. Kanya nasugu duak taw siginans furuan Sitim laman nanginsaful talun Kanaan, kaugat wan furuan Eriku. Ay kanya fag dua gina andasug sas furuan Eriku, nabanwan sas Rakab, sik takamatugtug fag mangena, at bale.

At Nafasure 11:3

Dewa katanya gsugu kban ku tagfatuyan fagdua tagalanbungan at mataras fag lanbung, ay kaduge ban sadik libu duak sandan unumk safuluk menit, kanya ban gfoyung Dius at longan.”