Lukas 7:12 - Fanawbuid tagsibaliwas Fakayabian

¹² Isus nu munakbang wan sis furuan at sakbawan alad, nafablang sik ngay taw siginans furuan, gbuba sik taw at mabulan laman namoli. Kanya at mabulan sik fagbubayun at baguama fag sadi. Kafag fagbubayun sadi way at sisian. Ay sik ngay taw ngayu siginans furuan galo anya.

Lukas 7:12 ပူးပေါင်းရင်းမြစ်များ

Fakasigadan 22:12

Tagbarita nalong te, “Lag o gfabul am baguama! Katsi natuyan kwa te, kalimu tuo Dius, aroro di o nawabilugan gfon sa anya am baguama fia dewa sadi way.”

Fakasigadan 22:2

Ay Dius nalong anya te, “Tabani am fakesugun fia am baguama Isak, ay loi sas talun Muria. Undaudi sa ku foyungan emu fag buksul, ay foni wan sa angku am baguama kata sik fagirugun fag fanggalangun.”

2 Samwel 14:7

Fagayu ku ngay kaiban nananlag angku ay glong te, ‘Foni emi am baguama ay gfabul ami anya, aroro nafabul at faduksay. Kanya ban wa masine nangagbilug am mangama at ngay ramraman.’ Ay kanya ro fagayu nu nafakamulun way takatanya, ku baguama kalyam wan ay kanya way lang ku fagsegun taggubuk angku, ay saman ya takatanya ku mangama ban at ngayan kalyam wan siginans fagdaul daga.”

1 Fun 17:12

Ay kanya fag fagbubayun nabalus te, “Gfatuyanan au sas Yawi, am tagleleg fag Dius te, namin wan em tinapay, at sawad si em fagsuadan sik galumut way lang fangawat tinapay, ay sik langis sirut si em tikung. Katsi ngani gfansarab au laman ku famatama em fakonun. Ay nu naon wa ro mi kafag tinapay nangabul waban mi sas lunus.”

1 Fun 17:18

Ay kanya fag fagbubayun nalong sas Elyas te, “Dius at fagsuguan, nataw am nadotaman angku? O nastae o laman namabul ku munama aroro sa ku ngay asalanan?”

1 Fun 17:23

Ay Elyas nabuba anya sat daga ay nafon sat mina, ay glong te, “Damai, am munama gleleg wan!”

1 Fun 17:9

“Saos furuan Sarefat tagsis Sidun, ay namanwan o sanya. Nasugu au sa sik fagbubayun tagbanwan sanya laman gfayafun emu.”

2 Fun 4:16

Ay Elisyu nalong sa anya te, “Fadogan ban fag banwa, gina ban kata katsi fag buknga, e faguruganun ban o sik munama.” Ay kanya fag mangena nabalus te, “Fagtainan, Dius at fagsuguan, lag o kamuag sa angku.”

2 Fun 4:20

Ay at fagsuguan nabuba kafag sisian sat mina. At mina nasalilian anya sitsigons wabilug menit ay kafag sisian anbul.

Ub 29:13

Ay ngay taw tagakabulun nafadante angku, ay ku nagubuk fag ngay fagbubayun galubadan guseganan.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Lukas 7:11

Wa glugo ay Isus andasug sa sik furuan at ngayan Nain. At ngay tagadal ay anggan sik ngay taw ngayu galo anya.

Lukas 7:13

Ay tam Fun, nu nalag kafag fagbubayun, kafanyu, ay nalong te, “Lag o gwayway.”

Lukas 8:42

Ayru at sisian, sadi wayk baguina, ay at banwa labi dua, ay kanya gakabulun. Ay gina Isus glo sanya, kafag ngay taw gfasidsikfitan anya.

Lukas 8:52

Ngay taw at maful sanya, gwayway ay garusngusan, aroro kafag baguina anbul wan. Isus nalong te, “Lag am gwayway, aroro kanya wa nbul, gtiug way.”

Uan 11:19

ay ngayuk taw Udyu at nansibo Marta ay Maria laman namasun, aroro sat faduksay at nabulanan.

Fakamulun 9:39

Ay Pedru nanangalo duama. Ay kanya nu ndasug sas furuan Upa, tibak tagafanud nataban anya sat tungud fag suluk. Ay ngay fagbubayun gwayway sis Pedru at ligung ay gfalag sa anya Durkas at nawat fag ngay ramit kaduge kanya gfaudgufudan anya fagayu.

Fakamulun 9:41

Sanya ginan, Pedru nated at take ay nafalindug. Ay Pedru nauro ngay fagbubayun ay tiba yak tagafanud ay nafalag sa anya fagayu te, Tabita gleleg wan.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.