Lukas 6:7 - Fanawbuid tagsibaliwas Fakayabian

⁷ Ay sanya fag ngay tagfoyung Muisis at Faugali ay taw Fariseu gulit, laman sumaful te, o Isus ro gfafia gina Famiangalay fag Menit, aroro kaylat namoyung sa tibak taw te, Isus e asalanan.

Lukas 6:7 ပူးပေါင်းရင်းမြစ်များ

Alubad. 38:12

Ngay taw tagyafabulun angku gfasangdawan laman ggamat angku. Ay fagayu takaylat gfauri angku gkamatoan sabaliwa nu gfalyam angku. Ay fagngabak menit, kanya fagayu e algan laman nandaya angku.

Isayas 29:21

anggan taglong at yud matuyan sabaliwa tiba, anggan takamuagan laman gfaylatan tagwabilug, ay anggan ngay takamuagan tagfatuyan laman at yud e asalanan fag ngay taw wa umke fagmatuyanun.

Eremyas 20:10

Nadungug au kafag ngay taw nu ginasan gfalingun angku. Ay kanya fagayu glong kata ku longan te, “Malimu takadasug sa antam!” Ay glong yangay fia te, “Gewan, katsi wan at buknga nu namasud tam Eremyas.” Anggan ku ngay fagadgalangan gfanya nu kafaurianan au. Kanya fagayu glong te, “Bangaran ro manandaya tua tam anya. Nu nfasludan tua ban takatanya, nababo tam ay mafasud anya.”

Mateu 5:39

“Ay katsi glong au ayu te, lag gfasud ya dewa e nafauri ayu. Sik taw nu nafalang am siun fag fingi, fasalubangi am wala fag fingi.

Markus 3:2

Ay tibak taw gulit, laman sumaful te, o Isus ro gfafia gina Famiangalay fag Menit, aroro at algan kaylat namoyung sa tibak taw te, Isus e asalanan.

Lukas 13:14

Sanya fag bale fakafulan at tagfangguna kauri aroro Isus nu gfafia gina way Famiangalay fag Menit. Ay kafag tagfangguna nalong sa sangay taw te, “Unum wayk menit nu gfakamulun am, ay ginanya fag ngay menit nu kadasug am stae laman namafia ay ngay fakasaitun, ay lag am namafia gina Famiangalay fag Menit.”

Lukas 20:20

Ngay tagfoyung Muisis at Faugali ay ngay tagfon fanggalangun naulit Isus at fakamulun, ay nasugu at ngay fagsuguan laman nandaya kata nu kaylat gdungugan. At fakaylatun fia namae asalanan Isus sit longan, ay namagamatan sat fun.

Uan 9:16

Ay tibak taw Fariseu glong te, “Kafag taw wa siginans Dius, aroro dewa sis Famiangalay fag Menit, gfakamulun way.” Ay tibak taw glong te, “Tain ro kanya nu mafafakamulun at ngay madulo fag fakamulun nu sik tagasalanan way?” Ay kafag ngay taw at amatanganan wa masadi.