Lukas 6:45 - Fanawbuid tagsibaliwas Fakayabian

⁴⁵ Sik masine fag taw at longan masine tua aroro at amatanganan masine. Ay sik mauri fag taw mauri way at longan, aroro at amatanganan mauri way. Aroro sik taw glong nusnga setaw tagsit amatanganan.

Lukas 6:45 ပူးပေါင်းရင်းမြစ်များ

Alubad. 140:5

Takamatungudun fag ngay taw nafoli sa ku dalan sangdaw ay fanggamat albon, laman nanggamat angku.

Alubad. 59:12

Aroro at ngay nalong mauri way ay kamatungudun, e gumamat ban nangus anya fagayu. Ay aroro kanya fagayu kamalingun ay kamuag,

Alubad. 59:7

Dius, dungugani takamalingun at ngay nalong, kata sik fiso at maglat. Ay kanya fagayu glong te, “We gdungug antam.”

Fangatulun 12:18

Sik taw tagfangabanganan nu garingang, gfauri way at iba at ngay amatanganan, dewa katanya, at ke fagsafulun fag taw at ngay longan, gfae fagmanabayanun tua at iba.

Fangatulun 15:23

Sik taw guseganan at famalus nu matuyan tua, kaugat wan at famalus nu si tua fia at kasakan fag buknga.

Fangatulun 4:23

Tagtungud sas fagayu, fayayui am amatanganan siginans mauri, aroro nu setain wan am namatangan, katanya yangay fia am ugali.

Uan 7:38

Kata at marirukan sis Dius at Longan te, ‘Nusnga sinu tagafanud sa angku, mamam tagfon leleg gfamilugan sat amatanganan.’ ”

Fakamulun 5:3

Ay Pedru nalong te, “Ananias, wain am fagnafabayanun Satanas nu gagbilug emu laman kamuag o sat Masine fag Falad, ay wain am fagnabuinun ay daga at nagbulan laman sa am sadili fakaylatun?

Efesu 3:8

Ay sas fagayu taw Dius at nafili, au wan at yud e tungkul. Dewa katanya, Dius nafon angku at fagmasineun gfayamag sas yud Udyu fag ngay taw sabaliwa tam Fun Isus at fagmasineun yud e gfasud,

Efesu 4:29

Lag am glong nusnge wain at mauri, nu bunway at mafagubuk tua ay at mafaksvn ay iba kata at fagayudanun, laman e fanambagun tua sa tagdungugan.

Efesu 5:19

Fodfoyungani ay alubadi siginans Dius at Longan fag ngay alubad ay siginan ay ngay fafil fag ngay alubad, ay siginan ay amatanganan fag ngay alubad. Nu galubad am, fagdauli tua ay amatanganan at ke fagusegananun sa tam Fun.

Kulusas 3:16

Fabanwani fia tam Fun Isus at longan si ay ngay amatanganan. Ay fadfamatangani sas galay am at sadi ay fodfoyungani sas fagdaul ay fagsafulun. Ay alubadi siginans Dius at Longan fag ngay alubad, ay siginan ay ngay fafil fag ngay alubad, ay siginan ay amatanganan fag ngay alubad, ke fagusegananun sas Dius.

Kulusas 4:6

Faylatani nu gkamatoan am, kata sik fakonun at mataba, laman ngay taw kaylat tua gdungugan, ay mafabalus tuam ngay taw nu e fagintoun sa ayu.

Ebreu 8:10

Tam Fun nalong te, “Katatuy ban katsi ku nasadian fia sa sangay taw Israel: Nu ntabu ban kafag ngay menit, gtanum kban ku ngay longan sa kafag ngay taw at ngay basad, ay griruk kban sat ngay amatanganan. Ay au ban kafag ngay taw at Dius, ay kanya ban fagayu ku ngay taw.

Udas 1:15

laman kanya nanginsaful fagayu taw at asalanan, ay namaurianan fagayu taw at yud natoglag Dius, aroro takatanya fag ngay taw maksvn nu mauri ay nu glong at mauri sa anya.”