Lukas 6:29 - Fanawbuid tagsibaliwas Fakayabian

²⁹ Ay sik taw nu nafalang am fingi at sadi, falagi yangay am fingi sit sadi fag tigyangan. Ay nu e gago emu am fangumutan, foni wan, ay nu nabul am lanbung, foni yangay.

Lukas 6:29 ပူးပေါင်းရင်းမြစ်များ

2 Samwel 19:30

Ay Mefibuset nalong sas fun te, “Foni wa sa anya fagdaul. Guseganan kwan nu noli tuo manabayan.”

2 Krunika 18:23

Ay Sedekya, Kenaana at baguama, ankakbang sas Mikaya ay nafalang sit fingi ay nalong te, “Setain nu malong o te, Yawi at falad nalao siginan angku, ay nanamakamatoan emu?”

Isayas 50:6

Nafabayan au nu e gfalang ku guyuy, ay nasalubang au sa sangay taggulad ku umi. Nafabayan kwan nu gfalingun angku ay nu gtufe ku mata.

Takabalu 3:30

Nu e nafalang at sadi am fingi fasalubangi yap at sadi am fingi. Ay aylati way am ngay fawayan dewa gfalingun emu.

Mikas 5:1

Ngay taw Erusalem, falganani ay ngay tagfawayan aroro ay ngay fawayan maligung ayu. Ay kanya ban fagayu namalang siginan sik tulag ngay tagfangguna sis Israel at fingi.

Mateu 26:67

Ay kanya fagayu natufe Isus at kamatan. Ay tiba nasuntuk anya ay nafalang.

Lukas 22:64

Ay kanya fagayu natabun Isus at mata ay ginto te, “Sinu at nafalang emu?”

Lukas 6:30

Foni sas fagayu taget sa emu, ay nu e naago emu am ramraman, lag o namul ya.

Uan 18:22

Isus nu nalong takatanya, at sadi tagulit at munakbang si anya nafalang at fingi, ay kanya nalong te, “Wain fakatanyaun nu gbalus o sa tiba tungud fag tagfon fanggalangun?”

Fakamulun 23:2

Ay Ananias, tiba tungud fag tagfon fanggalangun, nasugu sat ngay malindug at munakbang sis Pablu te, “Falangi at bibig.”

1 Kurintu 4:11

Dasug katsi kalunus ami, ay kadanum, ay em lanbung marasrasan way, ay e gfaidapan emi, ay wami e bale.

1 Kurintu 6:7

Nu namasine am ay fagidapun nu sa way at yud gafanud fag tagwabilug, fagayu am nababawan wam. At masine nu gagwanta tuam dewa e gfauri ay e gdaya ayu.

2 Kurintu. 11:20

Aroro naylat am nusnga sinu fag taw dewa gfagsuguan ayu, ay dewa gdaya ayu, ay dewa gtaban ayu, ay dewa kamaseganamaun sa ayu, ay dewa gfalingun ayu.

Ebreu 10:34

Kafanyu tuam at ngay maubungan, ay guseganan tuam gagwantan dewa e nabul ay ngay ramraman, aroro nasaful tuam te, umke ramraman ban am at yud e fakatabuan, tagtungud tua ay ngay ramraman.