Lukas 6:28 - Fanawbuid tagsibaliwas Fakayabian

²⁸ Eti sas Dius laman ggubuk tua taglong sa ayu te, ‘Dius gfauri ayu,’ ay darangini tagfaidapan ayu.

Lukas 6:28 ပူးပေါင်းရင်းမြစ်များ

1 Fun 13:6

Fun Erubuam get sas Dius at fagsuguan te, “Darangini sas Yawi am Dius te, fafiai ku take.” Ay Dius at fagsuguan nadarangin ay fun Erubuam at take anfia kata aro taw.

Esekyel 25:15

Fun Dius Yawi glong te, “Ngay taw Filistia anke algan namasud sa sangay taw Uda, aroro ngaduge wan nu kadkaurian.

Esekyel 36:5

Au, Fun Dius Yawi, glong au te, maksvn nu kadotama au ngay talun, kaugat wan talun Edum! Kafag ngay taw maksvn nu guseganan gina nagbilug ay nafalingun ku talun, aroro kanya fagayu maksvn nu gaagbilugun sanya fag ngay fagfafangonan.’

Mateu 5:44

“Ay katsi glong au ayu te, esugi tagfawayan ayu ay darangini tagfauri ayu,

Lukas 23:34

Isus nalong te, “Mama, falyami kafag ngay taw at fakamulun at mauri, aroro wa nasaful at fakamulun at masuad.” Ay kafag ngay tagfawayan gukas gang laman ginsaful te, sinu ro at nangagbilug Isus at ngay lanbung.

Lukas 6:27

“Ay glong au sa ayu tagdungugan te, esugi tagfawayan ayu, ay e fakamuluni at masine sa takadotama ayu.

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Fakamulun 14:5

Ay katsi, ngay taw Udyu ay yud Udyu fag ngay taw anggan ngay tagfangguna anful, ay kanya fagayu masadi at algan nu namaurianan ay namana kafag duama.

Fakamulun 7:60

Ay nu ntabu gdarangin, natudan ay guro te, “Ku Fun, lag o gamatangan tuy fag ngay taw at asalanan.” Ay kanya nu nalong wan takatanya, anbul wan.

Ruma 12:14

Darangini te, Dius gfon at masine sa sangay tagfakamulun sa ayu at mauri. Darangini ay lag am glong te, “Dius faurii anya!”

1 Kurintu 4:12

Ay gfakamulun ami laman e fakonun tuami. Ay gdarangin ami ngay taw tagfauri emi. Ay gagwanta ami nu e gfaidapan emi.

Santiagu 3:10

Siginan tam leplep gduksun at masine ay at mauri. Ku ngay faduksay, wa masine takatanya.

1 Pedru 3:9

Nu e nafakamulun sa ayu at mauri, lag am gfasud. Lag am gfalingun tagfalingun ayu, nu bunway darangini way te, Dius nangus gfon sa anya at masine, dakngani am wan at nafili laman namul at masine.