Lukas 6:25 - Fanawbuid tagsibaliwas Fakayabian

²⁵ “Ida am, fag ngay taw at mapsug gugat, aroro kalunus way ban am. “Ida am, fag ngay taw tagfanagsag gugat, aroro kabalu ban am ay gwayway.

Lukas 6:25 ပူးပေါင်းရင်းမြစ်များ

Alubad. 49:19

Dewa katanya, kanya ban fagayu umbul yangay, kata at ngay mangaguyang, ay nangaful sa sik buknga at madulum kabavn.

Fangatulun 14:13

Mafasuksuk o am fakabaluun way siginan nu gfangase, dewa katanya nu ntabu nu guseganan, kabalu yay.

Fangatulun 30:9

Aroro nu nramraman kway ro manga, kwa gseg ya emu, ay nu nsik yud kro e kwa, nanfangkamul kway ro manga ay gfapla au emu.

Takamoyung 2:2

Ay anggan tagsawe nu kase ay taguseganan maksvn, wa yangay e masuad.

Takamoyung 7:3

Fakabaluun amasine yap tua fagmabayanun, aroro fakabaluun gfasine tua taw at leleg.

Takamoyung 7:6

At yud e fagsafulun nu kase, kata sik dugi nu e natungu taglutik. Ay takatanya we masuad.

Isayas 28:7

Ay dewa katanya, ngay tagfon fanggalangun ay ngay taglong granranugan aroro galangu, ay at ngay amatanganan wa maugali ya. Ay ngay taglong gsalan wan nu gfae masuad at ngay taginfan, ay ngay tagfon fanggalangun wa masine at ngay algan.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Isayas 8:21

“Kanya ban fag ngay taw lumao nusnga nday fag afud talun Israel, ginlufuyan ay ginlunusan. Nu katanya, kanya ban fagayu umdotama ay lumong at maksvn nu mauri sat fun ay sat ngay fagsegan. Ay kanya ban fagayu dewa natangda sas banwa

Isayas 9:20

Ay kanya fagayu gbul wan ay kon nusnge wain fag fakonun at nalag, dewa katanya, wa kapsug. Ay kon wan anggan at ngay sisian.

Amus 8:10

Ay abat ngate ban am guseganan ginam maful, gwayway way ban am, ay abat ngate ban am guseganan galubad, kabalu wayam. Ay namalanbungan kban ayu saku, ay gsugu au ayu te, ufoi ay ngay buk, laman gfalag am ay fakabaluun, kata sik ngay fagtainan tagwayway aroro at sisian tagsesadi anbul. Ay dewa katanya, amaidap yap ban taguyan fag faurianan.”

Naum 1:10

Kata am sik tagalangu at mafasafungan madugi fag wat. Namamin au ayu kata nu e nairug ngay nagbiluganan fare.

Lukas 12:20

“Ay Dius nalong anya te, ‘Ida, o nunda wo e amatanganan ya! Katsi ro sad yabi namul kwan am falad. Nu katanya, sinu ban at nangagbilug am nafungsu fag ngay ramraman?’

Lukas 13:28

“Nu nalag ban am Dius nu gfagtainan Abrayam ay Isak ay Akub, ay anggan Dius at taglong fagayu, ay am ban naiyanan way am, gwayway ban am gugat ay gfaringgit ay ngay bagang.

Lukas 6:24

“Ida am, fag ngay taw at maramraman, aroro nabul wam ay fakasunan.

Lukas 6:26

“Ida am, fagayu taw nu gseg way ayu, aroro katanya yangay kafag ngay taw at ngay mangaguyang at nafakamulun sat yud matuyan fag ngay taglong.

Lukas 8:53

Ay ngay taw kase, gfalingun Isus, aroro nasaful te, kafag baguina anbul wan.

Efesu 5:4

Ay lag yangay gugali nusnga setaw fag mauri ay at yud e tungkul fag fagkamatoanun ay at yud masine fag alaman, nu bunway useganani tua sas Dius.

1 Tesalunika 5:3

Aroro gina ngay taw glong te, “Katsi manabayan ay masine,” masakit faurianan nu kadasug, kata sik mangena nu gafasalugun, ay kanya ro fagayu wa nlagyu ya.

Santiagu 4:9

Abalui ay waywayi. Abat ngate am kase, abalui way. Ay abat ngate am guseganan, afanawai way.

At Nafasure 3:17

Glong am te, ‘Maramraman ami, ay ngayu em fagagbilugun nusnge wain, ay wami e fagayudanun ya.’ Ay dewa katanya wam nasaful te, gafalingunan way am ay afanyuan, ay wam e kwa, ay wam glag, ay malulasan way am.

1 Samwel 2:5

At maramraman ebi, katsi grvbvy at fakonun. Ay at yud e kwa ebi, katsi di e fagayudanun ya. Ay fagayu tagaranas anke ngay sisian tua. Dewa katanya, tangayu at sisian katsi we sisian ya.