Lukas 6:23 - Fanawbuid tagsibaliwas Fakayabian

²³ “Katanya yangay tagfauri ayu at ngay mangaguyang at nafakamulun ebi sas Dius at ngay taglong. Useganani ginanya fag menit, ay fanulbuani useganani, aroro masine mandi ban Dius at fon ayu sas banwa.

Lukas 6:23 ပူးပေါင်းရင်းမြစ်များ

2 Samwel 6:16

Ay tagbuba Fagsuadan Yawi at Nasadian gina gsakbo sas Dabid at furuan, Mikal, Saul at baguina, gbanawan sis fagbanawanan. Ay nu nalag fun Dabid nu gfalelegan at ngay afud bilug sis Yawi at daga salubangan, kanya ankuri.

1 Fun 18:4

Gina Esebel gfabul Yawi at ngay taglong, Ubadyas nafasuksuan sadik sandank taglong sis duak luib, limak safulu galay sik luib, ay nafon sa anya fagayu fakonun ay fanginum.

1 Fun 19:10

Ay Elyas nabalus te, “Yawi, Dius at mabalyanan, matuyan tua nu gfakamulun au sa emu. Dewa katanya, ngay taw Israel natalyuyan way at fagmasadiun sa emu, ay kanya fagayu narasras at ngay fagnangirugan fanggalangun laman sa emu, ay nafabul am ngay taglong. Au way lang at sawad, nustua gyafabulun yangay angku.”

1 Fun 19:14

Ay Elyas nabalus te, “Yawi, Dius at mabalyanan, matuyan tua nu gfakamulun au sa emu. Dewa katanya, ngay taw Israel natalyuyan way at fagmasadiun sa emu, ay kanya fagayu narasras at ngay fagnangirugan fanggalangun laman sa emu, ay nafabul am ngay taglong. Au way lang at sawad, nustua gyafabulun yangay angku.”

1 Fun 19:2

Nu katanya, Esebel nafadasug sik longan sas Elyas te, “Ngay fagsegan ban nangus gfaurianan angku, kway ban nafabul emu balabag kata katsi fag buknga, kata am nafakamulun sas Baal at ngay taglong.”

1 Fun 21:20

Akab nu nalag Elyas, kanya gagras glong te, “O nablangan yay ta ngaro gayvd!” Ay Elyas nabalus te, “Sabv, nastie au aroro nasaful au te, nafakamulun o at mauri sas Yawi at daga salubangan.

1 Fun 22:27

Longi te, ‘Katatuy fun Akab at suguan: Ubungi tuy fag taw. Tinapay yakman lang ay mamam ay fagfonun, yakmay kban anfoli manabayan siginans fagawayanan.’ ”

1 Fun 22:8

Ay Israel at fun nabalus Eusafat te, “Sabv, e sik taw yay tam fagnangintoan Yawi at fakaylatun. Dewa katanya, kauri au anya, aroro we longan ya sa angku at masine nu bunway at mauri way lang. At ngayan Mikaya, Imla at baguama.” Ay Eusafat nalong te, “Lag glong takatanya.”

2 Fun 6:31

Kanya nalong te, “Dius ro nangus maksvn nu gfaurianan angku, kway ro nagatvng Elisyu, Safat at baguama at liug katsi fag menit.”

2 Krunika 36:16

Dewa katanya, kafag ngay taw nafalingun way Dius at ngay taglong, ay naase ay nafaeyud e masuad at ngay foyungan. Nu katanya, Yawi andotama anya fagayu, ay we mafaragang ya at dotama,

Nemyas 9:26

“Dewa katanya, kanya fagayu kamabo yay gugat ay gasalanan sa emu. Ay natalyuyan am ngay suguan, ay nafabul am ngay taglong takaylat kafoli sa emu, ay maksvn nu kauri emu.

Alubad. 58:11

Ay ginanya ban ngay taw glong te, “Anud, at matuyan fag ngay taw e bulan fia, ay e Dius taginsaful sas fagdaul daga.”

Isayas 35:6

Ay at yud malo fag ngay taw nanfanulbuan kata sik kambing talun at kaksvnan nu guseganan, ay at yud maringang nanguro tua aroro gfanagsag. Mamam ban gfamilugan tua sat matat fag talun, ay at ngay bulbug gfamilugan sa sangaba talun.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Malakyas 4:1

Yawi at Mabalyanan nalong te, “Matuyan, kadasug wan nu gfaurianan au fag menit. “Ginanya ban fag menit kata sik tagigang fag afuy. Gfaurianan kban fagayu takamatungudun ay at mauri, kata nu girug ngay nagutan fare. Kanya ban fagayu umkata sik kayu kinkirug yud e sawad ya.

Mateu 5:12

Useganani ay aylati dewa katanya, aroro ngayu ban Dius at fon ayu sas banwa at maksvn nu masine. Aroro katanya yangay nu e gfauri Dius at ngay taglong at naguna ayu.

Lukas 1:41

Ay Elisabet nu nadungug Maria at aringang, at fafionan maksvn nu gfanleleg, ay at Masine fag Falad antayuk sas Elisabet.

Lukas 1:44

Nu nadungug au emu, ku fafionan maksvn nu gfanleleg aroro guseganan.

Lukas 6:35

“Esugi tagfawayan ayu, ay fakamuluni sa anya at masine, ay faulbusi tua sa anya ay lag gfanya ya at fantubus. Nu katanya tua ban ay fakamulun gbia tua ban ay fagnamulun sas banwa, ay kangayan ban am te, Tiba Tungud fag Dius at ngay sisian. Aroro Dius kafanyu yangay dewa sa sangay taw mauri ay at yud ggubuk at iba.

Fakamulun 14:10

Ay Pablu nafabia nu glong sa anya te, “Malindugi.” Ay kafag mangama natulbu ay anlindug ay malao wan.

Fakamulun 3:8

Ay kanya anlindug masakit ay malo wan ay nangalo Pedru ay Uan sas Dius at bale ay glao gtudtulbuan gseg Dius.

Fakamulun 5:41

Ay kafag ngay nasugu nalo wan siginans taw Udyu at ngay tagfangguna, ay maksvn nu guseganan aroro Dius nafon fangagwanta aroro sas Isus at ngayan.

Ruma 5:3

Ay bundi lang katanya, nu bunway guseganan yangay tam dewa tam gidapan, aroro saful tam te, kaduge tam gidapan, kananad tam gagwanta,

2 Kurintu. 12:10

Aroro siginan tam Fun Isus, guseganan ktua, dewa au mamomuy, ay dewa e gfalingun, ay e gfaidapan ay e gfauri angku. Aroro kanya gfabitsug tua angku gina au mamomuy.

Kulusas 1:24

Katsi guseganan ktua dewa au gidapan aroro sa ayu, laman gfatabu au tam Fun Isus at nainkidapanan at yud yay antabu, laman at ngay taw, tuga at bilug, e tungkul tua.

2 Timuteu 2:12

Ay nu nagwantan tua tam, gfunan yangay ban tam gasfuan anya. Nu kauri way tam anya, kanya kauri yangay ban antam.

Ebreu 11:26

Muisis namatangan te, gtungud yay ban nu e tungkul at nagwantan at maidap aroro sa tam Fun Isus, abat ngate, nangagbilug talun Igiptu at fagmaramramanun, aroro nu gdama sa tua baliwa at fagnamulun ban fag famonun.

Ebreu 11:6

Sik taw at yud e fagafanudun wa mafauseganan Dius. Nusnga sinu at nangakbang sas Dius masine nu gafanud tua te, e Dius tagleleg ay tagfon at masine sas fagayu tagrvbvy anya.

Santiagu 1:2

Ku ngay faduksay, useganani dewa ndasug sa ayu ngayuk famaskud.

1 Pedru 4:13

Nu bunway useganani yakman aroro kataip am sa tam Fun Isus at ngay naidapanan, ay gina ban at fagmasineun ansure, maksvn yangay ban nu guseganan am.

At Nafasure 2:17

“Nusnga sinu at ke talinga, dungugani at Masine fag Falad at longan sa sangay tagafanud. Nusnga sinu ban at nababo, gfon kban at masuksukan fag fakonun tagsiginans banwa. Ay gfon kyangay ban sas galay at sadi sanya fag ngay taw sik gang malaksi marirukan at mesa ngayan bagu, we taw nasaful nu bunway at nabul way lang ban fag taw.

At Nafasure 2:26

Ay nusnga sinu ban at nababo ay tagfaning tua ku fakaylatun anggan sas fakatabuan, gfon kban sik fagmabalyananun laman sik fun kata ku nabul siginan ku mama. Ay gfafagtainan kban sa anya ngay talun. Kanya ban gina gfagtainan, gbitbitan sik famalang sanbung, ay nanrufa ban anya fagayu kata nu grufa fangawat bisu daga.

At Nafasure 2:7

“Nusnga sinu at ke talinga, dungugani at Masine fag Falad at longan sa sangay tagafanud. Ay nusnga sinu tua ban at nababo, kaylat kban kanya nu nangon tagfon leleg fag fun kayu at rawvg. Kanya fag fun kayu sis Dius at fagbanwanan.

At Nafasure 21:7

Nusnga sinu at nababo, magbilug ban takatanya fagayu. Ay au ban kanya fagayu at Dius ay kanya ban fagayu ku ngay sisian.

At Nafasure 3:12

Nusnga sinu tua ban at nababo, namakata kban sik turuk si ku Dius at bale. Ay kabavn ban kanya wa galin ya sanya ginan. Griruk kban si anya ku Dius at ngayan, ay ku Dius at furuan at ngayan, at bagu fag Erusalem takadaga siginans banwa siginan ku Dius. Ay griruk kyangay ban si anya ku ngayan at bagu.

At Nafasure 3:5

Nusnga sinu ban at nababo umke lanbung yangay malaksi, ay kdi ban grarus at ngayan sis fagrirukan at ke leleg tua ban kabavn. Nustua gfoyung kban sa ku Mama ay sat ngay tagbarita at daga salubangan te, kanya ku taw.