Lukas 6:22 - Fanawbuid tagsibaliwas Fakayabian

²² “Mauseganan tuam gina e kadotama ayu, ay gaiyan ayu, ay gfalingun ayu ay glong at mauri sabaliwa ayu, siginan nu gafanud am sa angku, Taw at Baguama.

Lukas 6:22 ပူးပေါင်းရင်းမြစ်များ

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Isayas 66:5

Fagayu am tagfaning Yawi at longan, dungugani at ngay foyungan: “Aroro matuyan tuam sa angku, ay ngay iba ankuri ay naiyan ayu. Kanya fagayu gfalingun glong te, ‘Yawi nangus gfalag wan sa ayu at fagmabalyananun laman lumag ami nu guseganan am!’ Kanya ban fagayu umkapla way.

Mateu 10:18

Ay e tumaban yangay ban ayu sat ngay afud talun at ngay fun ay sat ngay fun, aroro gafanud am sa angku. Ay ginanya ban mafafamoyung am sabaliwa angku sa kafag ngay fun ay sas yud Udyu fag ngay taw.

Mateu 10:22

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Mateu 10:39

Ay nusnga sinu takesug way at leleg, umkalyam way ban at leleg. Ay nusnga sinu tagfon tua at leleg aroro gafanud sa angku, kanya ban e leleg tua kabavn.

Lukas 20:15

Ay at ngay tagalaga nataban kafag baguama sas day tanuman ay nafabul anya. Tain ban tagagbilug kafag tanuman at fakamulun?

Lukas 21:17

Ay ginanya ban fag ngay menit, fagayu taw kauri ayu, aroro gafanud am sa angku.

Lukas 6:21

“Mauseganan tuam, am fag ngay taw takalunus, aroro e gfapsug ban ayu. “Mauseganan tuam, am fag ngay taw tagwayway, aroro kase tua ban am.

Uan 12:42

Dewa katanya, ngayuk taw Udyu at tagfangguna at nafanud sa anya, ay kanya fagayu wa gfasaful sas nusnga sinu aroro kalimu te, ngay taw Fariseu manangaiyan ban anya fagayu siginans bale fakafulan,

Uan 16:2

Ngay taw ban gaiyan ayu siginan sangay bale fakafulan. Ay kadasug ban tibak buknga nusnga sinu ban at nafabul ayu gamatangan te, kanya fagayu gfaning Dius.

Uan 17:14

Nafoyung kwan sa ku ngay taw am longan. Ku ngay taw di gfaning ya ste swa daga fag ngay ugali, kata nu yud au gfaning. Nu katanya ste swa daga fag ngay taw kauri anya fagayu.

Uan 7:7

Ngay taw ste swa daga di kadotama ayu, dewa katanya, kanya fagayu kadotama angku aroro gfoyung au gugat te, mauri at ngay fakamulun.

Uan 9:34

Kafag ngay tagfangguna gbalus te, “Siginan yay nu bagu o kasalug sik tagasalanan wo, ay katsi kamoyung yay o sa emi.” Ay kafag ngay taw naiyan wa anya siginans bale fakafulan.

Fakamulun 22:22

Ay Pablu fagnalong di katanya, ngay taw wa kaylat ya gdungugan anya. Ay kanya fagayu guro te, “Fabuli wan kafag taw! At masine, kanya lag nangus gleleg ya!”

Fakamulun 24:5

“Tuy fag mangama kamauri sa sangay taw Udyu sas fagdaul daga, ay kanya sik tagfangguna sik gaban at ngayan Nasarenu.

Fakamulun 9:16

Ay namalag kyangay sa anya ngay fagidapun at fagnandalanun, ay nu setain ban nu gagwanta laman sa angku.”

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

1 Pedru 3:14

Ay dewa e nafauri ayu aroro gfakamulun am at masine, mauseganan am. Lag am kalimu kafag ngay taw at ngay famalimuanan ay lag am gafanawa.