Lukas 6:21 - Fanawbuid tagsibaliwas Fakayabian

²¹ “Mauseganan tuam, am fag ngay taw takalunus, aroro e gfapsug ban ayu. “Mauseganan tuam, am fag ngay taw tagwayway, aroro kase tua ban am.

Lukas 6:21 ပူးပေါင်းရင်းမြစ်များ

Fakasigadan 17:17

Abrayam nu nadungug takatanya anlub ay naase. Ay namatangan te, “O nunda gsisian kyay ban, ku banwa dewa sadik sandan wan? Ay o nunda Sara gfafion yay ban at banwa dewa siam wak safulu?”

Fakasigadan 21:6

Ay Sara nalong te, “Dius nafauseganan angku, ay nusnga sinu at nadungug sabaliwa at kinfasludan sa angku, kanya guseganan yangay.

Alubad. 107:9

Kanya nafainum tua takadanum ay nafon tua sa takalunus at mayayum fag ngay fakonun.

Alubad. 119:136

Maksvn nu gwayway au, aroro ngay taw wa gfaning am faugali.

Alubad. 143:6

Nafabat au ku daluap, laman gdarangin au sa emu. Kaylat au gfakamatoan emu, kata sik matat fag daga tagayudan mamam.

Alubad. 17:15

Ay au, matuyan ktua, ay lumag au emu. Nu nfulo kwan, lumag au am fagmasineun, ay nu katanya umke fagmanabayanun au.

Alubad. 28:7

Gfabitsug tuo ay gdiri angku. Gafanud au sa emu sas fagdaul ku amatanganan. Nu katanya, galubad au gfauseganan emu.

Alubad. 65:4

Mauseganan am nafili fag ngay taw, ay am nataban sam bale laman namanwan. Nafon o emi at masine ay at kasakan nusnga setaw sim bale.

Isayas 25:6

Ste sbuksul Siun, Yawi at Mabalyanan e nafalganan sik yafun daul sas fagayu taw. Kanya nafalganan at mayayum fag ngay fakonun ay fag ngay fanginum.

Isayas 30:19

Ngay taw Siun tagbanwan sis furuan Erusalem, wa ban am gdog ya gwayway! Yawi kafanyu tua ban ayu nu get tuam gubuk sa anya. Ay gina nadungug ay darangin gbalus wa fia.

Isayas 66:10

Fagayu am takesug Erusalem useganani ay segi gasfuan anya,

Eremyas 13:17

Ay yayam gugat kaylat gdungugan, nanwayway au yud mafatoglagan aroro siginan ay fakamatungudunun. Nanwayway au maksvn ay ku liasun ganting, aroro e nantaban wan Yawi at nafili fag ngay taw.

Eremyas 31:25

Ay ginanya ban gfafiangalay au fagayu takalufuy ay gfabitsug kban fagayu at mamomuy aroro kalunus. Nu katanya, ngay taw ban glong te,

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.

Esekyel 9:4

ay nalong sa anya te, “Sa o swabilug furuan Erusalem ay rvbvyi ngay taw takabalu sat nafakamulun at maksvn nu mauri sit furuan. Ay nanriruk o sanya fag ngay taw at dangasan laman sit famatoglag.”

Mateu 5:4

Mauseganan ngay taw takabalu, aroro kanya gbul ban Dius at nafatuyanan.

Mateu 5:6

Mauseganan ngay taw nu kaylat tua gfakamulun Dius at fakaylatun, aroro Dius ggubuk tua ban anya.

Lukas 1:53

Dius nafon at masine sa takalunus, laman kapsug. Ay kanya naiyan at maramraman, yud e buba.

Lukas 6:20

Isus nadama at ngay tagadal ay nalong te, “Mauseganan tuam, am fag ngay taw at yud e kwa, aroro Dius gfagtainan ayu.

Lukas 6:22

“Mauseganan tuam gina e kadotama ayu, ay gaiyan ayu, ay gfalingun ayu ay glong at mauri sabaliwa ayu, siginan nu gafanud am sa angku, Taw at Baguama.

Lukas 6:25

“Ida am, fag ngay taw at mapsug gugat, aroro kalunus way ban am. “Ida am, fag ngay taw tagfanagsag gugat, aroro kabalu ban am ay gwayway.

Uan 11:35

Isus gwayway.

Uan 4:10

Isus gbalus anya te, “Nu nasaful di o te, nataw Dius at fagnamonun sas taw, ay sinu taget sa emu mamam, malgau ro o way taget sa anya ay gfon ro emu tagfon leleg fag mamam.”

Uan 6:35

Ay Isus glong sa anya fagayu te, “Au wan tagfon leleg fag fakonun. Nusnga sinu takakbang sa angku di ban kalunus ay nusnga sinu tagafanud sa angku di ban kadanum kabavn.

1 Kurintu 4:11

Dasug katsi kalunus ami, ay kadanum, ay em lanbung marasrasan way, ay e gfaidapan emi, ay wami e bale.

2 Kurintu. 11:27

Ay nadalan kyangay at maksvn fag fagidapun, ay lufuy, ay malayun nu gintiugunan au, ay nainlunusan au maksvn, ay naindanuman. Ay batang kwa ginriosan aroro kwe lanbung.

2 Kurintu. 12:10

Aroro siginan tam Fun Isus, guseganan ktua, dewa au mamomuy, ay dewa e gfalingun, ay e gfaidapan ay e gfauri angku. Aroro kanya gfabitsug tua angku gina au mamomuy.

2 Kurintu. 6:10

Maksvn nu kabalu ami, ay dewa katanya, guseganan tuami gugat. Dewa mi kata at yud e kwa, gfaramraman tuami ngayuk taw. Ay dewa mi kata at yud e fagagbilugun, e kwa tuami fagayu nusnge wain.

Santiagu 1:12

Mauseganan sik taw tagagwanta dewa ngayu at famaskud sa anya, aroro nu ntabu nu gafaskudan, mul sik famonun, leleg at yud e fakatabuan, Dius at nafatuyanan sas fagayu takesug anya.

At Nafasure 21:3

Ay nadungug au sik uro daul siginans faglunggungan, glong te, “Damai, katsi Dius at fagbanwanan siwa sangay taw. Dius magamut kafag ngay taw. Ay kafag ngay taw ban Dius at furuan, ay Dius ban kafag ngay taw at faudgufudan, ay kanya ban kafag ngay taw at Dius.

At Nafasure 7:16

Kanya fag ngay taw wa ban kalunus ya ay wa ban kadanum ya, ay menit ban at sugba ay nusnga setaw fag masugba wa ban mafaidapan ya anya fagayu,