Lukas 6:2 - Fanawbuid tagsibaliwas Fakayabian

² Ay tibak taw Fariseu nalong te, “Wain ay fagyudun gfaning tam faugali sabaliwas Famiangalay fag Menit?”

Lukas 6:2 ပူးပေါင်းရင်းမြစ်များ

Nu Galin 22:10

“Sik taw nu nafaalaga sat faduksay at baka, asnu, tupa ay nusnga setaw at fagbaugun, ay nu nbul way ay mannga narunguy ay e nafangkamul yud e nalag,

Nu Galin 31:15

Unumk menit nu gfakamulun am laman sa ay sadili, ay sis fafituk menit, kanya ay famiangalay, aroro tuy fag menit mafasamanan laman sa angku, ay fagayu at nafakamulun sis famiangalay fag menit, fabuli wan.

Nu Galin 35:2

Kaduge unumk menit, fakamuluni nusnge wain ay fakamulun. Ay nu siwas fafituk menit fiangalayi, aroro tuy fag menit mafasamanan laman sas Yawi. Ay nusnga sinu at nafakamulun ginanya fag menit, umbul.

Isayas 58:13

Ay nu gfaning tuam gugat ku ngay faugali sabaliwas Famiangalay fag Menit, ay nu ddi ban am gugat gamatang ay sadili fakaylatun ginanya fag menit, ay nu gtuyan tua ban am kafag menit te, sik famauseganan, siginan nu gfaragang ay ngay sadili fakaylatun, ay sa nu garingang am at yud e tungkul,

Mateu 12:2

Ay sik ngay taw Fariseu nu nalag, nalong sas Isus te, “Damai am ngay tagadal at fakamulun. Takatanya wa gfaning tam faugali sabaliwas Famiangalay fag Menit.”

Mateu 15:2

“Wain am ngay tagadal at fakamaboun tam mangaguyang at faugali? Aroro kanya fagayu nu nanfangon wa gfegus at daluap.”

Markus 2:24

Ay sik ngay taw Fariseu nalong sas Isus te, “Damai am ngay tagadal at fakamulun. Wain at fagyudun gfaning tam faugali sabaliwas Famiangalay fag Menit?”

Lukas 5:33

Taw Fariseu ay tagfoyung Muisis at Faugali nalong sas Isus te, “Uan at ngay tagadal ngayu ginan nu yud gfangon laman gdarangin. Ay katanya yangay taw Fariseu at ngay tagadal. Ay emu, am ngay tagadal gfangon way gugat ay ginum way gugat.”

Uan 5:16

Aroro katanya, ngay tagfangguna gfasigad gfauri Isus, aroro nafafia sis Famiangalay fag Menit.