Lukas 6:13 - Fanawbuid tagsibaliwas Fakayabian

¹³ Ay nu nmenit wan, Isus nafaful at ngay tagadal, ay nafili labi dua. Ay Isus nafangayan anya fagayu te, at ngay nasugu.

Lukas 6:13 ပူးပေါင်းရင်းမြစ်များ

Mateu 10:2

Ay Isus at labi duak nasugu at ngay ngayan: taguna Simun, at sadi at ngayan Pedru, ay at arian Andres, ay Santiagu ay at arian Uan, Sebedeu at baguama fagdua,

Mateu 19:28

Ay Isus nabalus anya te, “Matuyan nu glong au ayu te, Dius ban gfabagu nusnge wain, ay au, Taw at Baguama, gmalunggung au sa ku fagmalunggungan ke fagmasineun, laman namagtainan. Ginanya ban, am tagalo angku, malunggung yangay ban am sas labi duak faglunggungan kata sik ngay fun. Ay nanginsaful ban am at masine ay at mauri sas labi duak kasugfunanan Israel.

Mateu 9:36

Ay Isus nu nalag kanya fag ngay taw, anfanyu, aroro gidapan ay we ggubuk, aroro kanya fagayu kata way ngay tupa at yud e galaga.

Markus 6:30

Isus at ngay nasugu anfoli sa anya ay gfoyung sa anya fagayu at nafakamulun ay at foyungan.

Markus 6:7

Ay Isus nafaful at nasugu fag labi dua ay nasugu anya fagayu dewa nday, gadgaloan dua. Ay Isus nafae fagmabalyananun anya fagayu laman mafaiyan at mauri fag ngay falad.

Lukas 11:49

Nu katanya, siginans Dius at fagsafulun, nalong te, ‘Sumugu au ku ngay taglong ay ku ngay nasugu sa sangay taw Udyu. Kanya ban gfabul kafag ngay taglong tiba, ay tiba ban gfauri.’

Lukas 22:30

Gfasfuan ban am angku gfangon ay ginum si ku fagfagtainanan fag fagfangonan. Ay malunggung ban am sas fanfun fag ngay faglunggungan laman ban namagtainan am Israel at ngay kasugfunanan fag labi dua.

Lukas 6:14

At ngay ngayan: Simun, (Isus at nafangayan te, Pedru), Andres, Simun at arian, ay Santiagu, ay Uan, ay Felipe, ay Bartulume,

Uan 4:33

Nu katanya, at ngay tagadal gkamatoan te, “O e nabuba manga sa anya fakonun?”

Fakamulun 1:13

Ay kanya fagayu nu ndasug sas Erusalem, nasakbo sat fagtaglayunan fag bale sat tungud fag suluk. Kafag ngay nasugu at ngay ngayan: Pedru, Uan, Santiagu, Andres, Felipe, Tumas, Bartulume, Mateu, Santiagu Alfeu at baguama, Simun Maseganama ay Udas Santiagu at baguama.

Efesu 2:20

Itam fag ngay tagafanud kata tam sik bale daul, tam turuk, Isus at ngay nasugu wan ay Dius at ngay taglong, ay tam fagtungkudan turuk, we tiba nu bunway tam Fun Isus wan.

Efesu 4:11

Ay kanya nafili tibak taw sik ngay nasugu, ay sik ngay tagfasaful Dius at ngay longan, ay tagbuba at Masine fag Barita, ay takamoyung ay tiba tagfoyung sis bale fakafulan.

Ebreu 3:1

Ku ngay faduksay sas fagafanudun, ay sik ngay nafili yangay kata angku laman at nangaful sas banwa, masine nu gamatangan tuam gugat sa tam Isus, kanya sik nasugu laman tam Tiba Tungud fag Tagfon Fanggalangun sa tam fagafanudun.

2 Pedru 3:2

Amatangani Dius at ngay taglong at ngay foyungan ebi, ay tam Fun tam Tagfalangfe at longan at nafon sa ayu siginan at ngay nasugu.

At Nafasure 12:1

Ay nu nlangfe takatanya fagayu, ansure sik fakatoglagan sis banwa at maksvn nu madulo, sik mangena galanbungan menit ay malindug sis magdanun, ay at alfuyu e sangbo labi duak galeme.

At Nafasure 18:20

Useganani am tagsis banwa aroro at kindasug sa anya. Useganani, am Dius at ngay taw, ay at ngay nasugu, ay at ngay taglong, aroro Dius nafaurianan wa anya aroro sat nafakamulun sa ayu at mauri.’ ”

At Nafasure 21:14

Ay kafag furuan at alad e labi duak fagtungkudan gang, ay sanya fag ngay gang marirukan Tupa Riangan at labi duak nasugu at ngay ngayan.