Lukas 6:12 - Fanawbuid tagsibaliwas Fakayabian

¹² Ginanya fag menit, Isus nalo sas tagbudbuksulanun fag talun laman nandarangin. Fagngabak yabi Isus gdarangin sas Dius.

Lukas 6:12 ပူးပေါင်းရင်းမြစ်များ

Alubad. 22:2

Ku Dius, guro koma gugat emu, ay wo gbalus angku, nu katanya, kwa manabayan ya.

Isayas 26:9

Sad yabi grvbvy au emu sas fagdaul ku amatanganan. Am ngay balyawvtan matuyan tua, ay fagayu taw sas fagdaul daga, sumaful tua at matuyan fag ugali.

Daniel 6:10

Ay Daniel nu nasaful te, fun Daryu nawat wan kafag faugali, kanya noli sat bale ay nasakbo sa tiba tungud fag salug. Sanya at fagbanawanan gsalubang sas Erusalem. Ay Daniel natudan ay gdarangin sas Dius tulu ginan sik menit, kata at fakamulun gugat.

Mateu 5:1

Ay Isus nu nalag sanya fag ngay taw, kanya naulul yay sa sik buksul ay malunggung sanya. Ay at ngay tagadal nangakbang sa anya.

Mateu 6:6

Ay o nu gdarangin o, sakboi way sam bale sa sik suluk, ay dingdingi way am sakbawan, ay darangini sam fagyudun glag fag Mama. Ay am Mama taglag am fakamulun at masuksukan, mon ban fia at masine sa emu.

Markus 1:35

Balabag di sdaga kamenit, Isus nu nfulo wan, nalo sas talun at yud e taw laman nandarangin.

Markus 3:13

Isus naundaud sa sik buksul ay nafaful sa anya at fakaylatun gfili, ay kanya fagayu nanangakbang sa anya.

Markus 6:46

Ngay taw nu nalo wan, Isus gundaud sa sik buksul laman nandarangin.

Lukas 5:16

Ay Isus malayun nu sas talun at yud e taw laman nandarangin.

Lukas 6:11

Ay ngay tagfoyung Muisis at Faugali ay ngay taw Fariseu maksvn nu kadotama, ay gkamatoan te, “Tain ban tam fakamulun sas Isus?”

Lukas 6:17

Isus nu natagbung gadgaloan at ngay nasugu, anragang si sik datag. Maful sanya ngayu at tagadal ay ngayuk taw tagsiginans fagdaul talun Udea, ay tagsiginans Erusalem, ay anggan tagsiginans tigyangan dagat fag talun sis ligung furuan Tiru ay Sidun.

Lukas 9:18

Kaduge Isus gdarangin sesadi, sanya yangay at ngay tagadal, ay Isus nainto anya fagayu te, “Sinu au, ngay taw at longan?”

Lukas 9:28

Nu nlangfe waluk menit, Isus nataban Pedru ay Uan ay anggan Santiagu, ay naundaud sa sik buksul laman nandarangin.

Lukas 9:29

Ay gina gdarangin, Isus at kamatan anbali, ay at lanbung malaksi ay masulo.

Uan 6:3

Isus naulul sa sik buksul gasfuan at ngay tagadal ay malunggung sanya.

Kulusas 4:2

Fataglayuni nu mafandarangin am, ay fasfuani mafalganani ay useganani.

Ebreu 5:7

Ay Isus kaduge ste swa daga kanya gdarangin galiasun get sas Dius te, “Falangfei ban angku siginans fakabulun.” Ay Dius nadungug anya aroro kanya matuyan tua nu gfaning.

1 Samwel 15:11

“Nanuran au ku nafilian Saul laman sik fun. Aroro kanya natalyuyan angku ay wa nafaning ku ngay suguan.” Samwel nu nadungug takatanya, kanya maksvn nu gafanawa, ay gdarangin sas Yawi fagngabak yabi.