Lukas 5:38 - Fanawbuid tagsibaliwas Fakayabian

³⁸ Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat.

Lukas 5:38 ပူးပေါင်းရင်းမြစ်များ

Esekyel 36:26

Namon kban sa ayu at bagu fag amatanganan ay at bagu fag falad. Ay ay ngay fakamaboun ban nantubus kwan at mafamaning.

Mateu 9:17

Ay we taw nantalin at bagu fag fanlangu sat dan fag fagsuadan mawatan fagbaugun at balat. Aroro nu natalin ro sanya, kafag fagsuadan kaltu, ay at natalin umbusbus, ay at fagsuadan umrasras wan. Abat ngate, sik taw nu gtalin at bagu fag fanlangu sa tua at bagu fag fagsuadan mawatan fagbaugun at balat, laman fagdua di nfangulan.”

Lukas 5:37

Ay we taw nantalin at bagu fag fanlangu sat dan fag fagsuadan mawatan fagbaugun at balat, aroro nu natalin ro sanya, kafag fagsuadan kaltu, ay at natalin umbusbus ay at fagsuadan umrasras wan.

Lukas 5:39

We taw kaylat ginum at bagu fag fanlangu nu nainum wan at dan, aroro at longan te, ‘At dan amataba yap tua.’ ”

2 Kurintu. 5:17

Nu katanya, nusnga sinu at kinsadi sa tam Fun Isus kanya sik bagu tua fag taw. Naubun wan ebi ataw at ugali; katsi at ugali bagu wan.

Galasya 2:4

Fakatanyaun, aroro ngay taw takamaningan te, gafanud, ansuglat si antam laman masuksuk ginsaful te, tain tam Fun Isus nu gfalfas antam, ay kanya kaylat nu gdog tam gafagsuguanan Muisis at Faugali.

1 Timuteu 4:8

E tungkul tua nu gfananad tam tam bilug laman kabitsug, ay dewa katanya, gtungud yay nu e tungkul nu gfaning tam tam Dius, aroro e fanggubukun tua ban sa tam leleg katsi ay anggan sa takadasug ban fag leleg.

At Nafasure 21:5

Ay sanya ginan at malunggung sis faglunggungan glong te, “Damai, gfabagu kwan fagayu nusnge wain.” Ay kanya glong sa angku te, “Riruki tuy fag ngay longan, aroro mafanud ay matuyan.”