Lukas 5:35 - Fanawbuid tagsibaliwas Fakayabian

³⁵ Ay sa ban tibak menit e gtaban wan kafag mangama, ay ginanya ya ban at ngay iba nu e buknga nu yud gfangon laman gdarangin.”

Lukas 5:35 ပူးပေါင်းရင်းမြစ်များ

Isayas 22:12

Ay tam Fun, Yawi at Mabalyanan, nafaidapan ayu laman umke fakabaluun am, ay gwayway am, ay gfalanu ay ngay alfuyu, ay nangalanbungan am saku laman sik fagtoglagan te, kabalu am.

Daniel 9:26

Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Mateu 9:15

Ay Isus nabalus anya fagayu te, “O sik bagu kadadwa fag mangama gina gfadgaloan at ngay fagadgalangan, o ginanya ro at ngay fagadgalangan kabalu? Duan. Ay sa ban tibak menit e gtaban wan kafag mangama, ay ginanya ya ban at ngay iba nu e buknga nu yud gfangon laman gdarangin.

Markus 2:20

Ay sa ban tibak menit e gtaban wan kafag mangama. Ay ginanya ya ban at ngay iba nu e buknga yud gfangon laman gdarangin.

Lukas 17:22

Isus nalong sat ngay tagadal te, “Umdasug ban sik buknga, maksvn ban nu gyalagun am Taw at Baguama dewa way sadik menit, ay ya ban am lumag.

Lukas 5:34

Ay Isus nabalus anya te, “O ginanya ro at ngay fagadgalangan e buknga nu yud gfangon? Duan.

Lukas 5:36

Isus nafoyung yangay sik faydayuanan te, “We taw ggirat sik ramit bagu laman gfasine sik ramit dan, aroro nu katanya way at fakamulun, at bagu ro fag ramit kagirat way. Wa masine gfagamut sik bagu fag ramit sa sik ramit dan.

Uan 12:8

Aroro at ngay yud e kwa ste way gugat. Dewa katanya, nu magamut au si ayu, bunwa kabavn.”

Uan 13:33

Ku ngay sisian, wa glugo ya nu magamut au si ayu. Grvbvy ban am angku, dewa katanya, kata ku nalong sa sangay taw Udyu at ngay tagfangguna, glong kyangay sa ayu te, ‘Wa ban am madasug sa ku fagnangadasugan.’

Uan 16:28

Siginan au ku Mama ay andasug au ste swa daga, ay katsi glo kwan ste ginan ay kafoli kwan sa ku Mama.”

Fakamulun 1:9

Ay Isus nu ntabu gfoyung takatanya, e nafabat anya sas banwa gina at ngay nasugu gdama. Ay sik linyabu nafarum anya.

Fakamulun 14:23

Sanya ginan, Pablu ay Bernabe nafili ngay fagtainan sa sangay furuan. Ay duama nadarangin yud gfangon laman gdarangin kafag ngay taw at bagu gafanud sa tam Fun, laman gfatigwanan anya fagayu.

Fakamulun 3:21

Dius ban yakmay nafabagu fagayu nusnge wain, kata at foyungan sat ngay taglong ebi taguna, kanya ban gbanwan yay gugat sis banwa.

1 Kurintu 7:5

Lag am yud gtaladan nu ddi am e kamatoanan te, “Lag yap ban ta nantaladan, laman e buknga tua ta gdarangin.” Ay sanya ginan nandog yap am nantaladan laman Satanas di gfae asalanan ayu siginan ay bilug at fakaylatun.

2 Kurintu. 11:27

Ay nadalan kyangay at maksvn fag fagidapun, ay lufuy, ay malayun nu gintiugunan au, ay nainlunusan au maksvn, ay naindanuman. Ay batang kwa ginriosan aroro kwe lanbung.