Lukas 5:32 - Fanawbuid tagsibaliwas Fakayabian

³² Aroro ku fagnastaeun kwa namaful sa angku at matuyan fag ngay taw, kayu way ke asalanan, laman gubun at ngay asalanan.”

Lukas 5:32 ပူးပေါင်းရင်းမြစ်များ

Isayas 57:15

Ay Tiba Tungud fag Dius at yud e malong ay tagleleg kabavn, glong yay fia te, “Gbanwan au sa tangabat ay yud e malong fag buknga, dewa katanya, gbanwan kyangay maful si sangay taw takamababaun ay at naubun at asalanan, laman gfabitsug au anya fagayu.

Mateu 18:10

“Amatangani laman diam kauri dewa tuy way fag ngay sisian sirut, aroro glong au ayu te, tuy fag ngay sisian e tagbarita tua taglag ku Mama sis banwa at mata.

Mateu 9:13

Amatangani ay asafuli at masuad Dius at Longan te, ‘Ku fakaylatun bunwa ay fanggalangun, nu bunway kaylat au nu kafanyu am ay iba.’ Aroro ku fagnastaeun kwa namaful at matuyan fag ngay taw sa angku, kayu way at ke asalanan.”

Markus 15:10

Pilatu nasaful te, kafag ngay tagfon fanggalangun at fagnatabanun Isus sa anya aroro galabian.

Markus 15:7

Ginanya, sik taw at ngayan Barabas maubungan sanya gasfuan tibak taw at nafamabul gina gfawayan ngay tagfangguna.

Markus 2:17

Ay Isus nu nadungug, nalong sa anya fagayu te, “Sik taw at yud e fakasaitun wa gayudan tagfafia, kayu way ke fakasaitun. Aroro ku fagnastaeun kwa namaful sa angku at matuyan fag ngay taw, kayu way ke asalanan.”

Lukas 15:10

Glong au ayu te, katanya yangay Dius at ngay tagbarita nu guseganan, sik tagasalanan nu naubun tua at ngay asalanan.”

Lukas 15:7

Glong au ayu te, katanya yangay sik tagasalanan nu naubun at ngay asalanan, e guseganan ban sas banwa gtungud yay nu guseganan sa sik masine fag ngay taw at yud e fagubunun at asalanan.

Lukas 19:10

Aroro au, Taw at Baguama, ku fagindasugun, laman nanrvbvy au ay namalangfe fagayu at nalyam.”

Lukas 24:47

Ay siginan ban at ngayan e gfoyung sas fagayu taw, taguna sas Erusalem ay anggan sas fagdaul daga at taw te, fagayu taw nu naubun tua at ngay asalanan, Dius gfalyam wan at ngay asalanan.

Lukas 5:31

Ay Isus nabalus te, “Sik taw at yud e fakasaitun wa gayudan tagfafia. Kayu way at ke fakasaitun.

Lukas 5:33

Taw Fariseu ay tagfoyung Muisis at Faugali nalong sas Isus te, “Uan at ngay tagadal ngayu ginan nu yud gfangon laman gdarangin. Ay katanya yangay taw Fariseu at ngay tagadal. Ay emu, am ngay tagadal gfangon way gugat ay ginum way gugat.”

Fakamulun 17:30

Ebi taguna fag ngay buknga Dius wa nasalag taw at fagyudun e fagsafulun. Ay katsi Dius nasugu sas fagayu taw te, Ubuni wan ay ngay asalanan.

Fakamulun 2:38

Ay Pedru nabalus te, “Ubuni ay ngay asalanan ay asurungi sa tam Fun Isus at ngayan, laman sik fakatoglagan te, nalyam wan ay ngay asalanan ay magbilug am at Masine fag Falad Dius at fon sa ayu.

Fakamulun 20:21

Ay nafoyung au sas taw Udyu ay sas taw Gresya sabaliwa nu gubun at ngay asalanan ay nu gfaning Dius, ay nu gafanud sa tam Fun Isus.

Fakamulun 3:19

Nu katanya, ubuni ay ngay asalanan ay afolii sas Dius, laman kanya gfalyam ay ngay asalanan, ay gfon ayu buknga laman manabayan tuam,

Fakamulun 3:26

Nu katanya, Dius nasugu at nafili fag fagsuguan, taguna sa ayu fag ngay taw Udyu laman ggubuk ayu gubun ay ngay asalanan.”

Fakamulun 5:31

Sanya ginan Dius nafabat anya ay nafalunggung sit siun baliwa laman sik fun ay tagfalangfe, ay gfon buknga sas fagayu taw Israel laman gubun at ngay asalanan.

2 Pedru 3:9

Tam Fun di gfaduge nu gfafasludan at fatuyanan, kata tibak taw at namatangan. Nu bunway kanya kamanyan ay gfon yay buknga sas fagayu taw laman gubun at ngay asalanan, aroro wa kaylat nusnga sinu nu gafaurianan.