Lukas 5:30 - Fanawbuid tagsibaliwas Fakayabian

³⁰ Ay sanya fag ngay taw Fariseu ay anggan tagfoyung Muisis at Faugali, kauri Isus at ngay tagadal ay ginto te, “Wain manga nu gfangon am ay nu ginum am, ay fagfasfuanun ngay tagbul famayad laman sas fun ay anggan ngay tagasalanan?”

Lukas 5:30 ပူးပေါင်းရင်းမြစ်များ

Isayas 65:5

Ay kanya fagayu glong sat iba te, ‘Lag kakbang angku; mansik masuya au. Aroro kdi kata emu au sik yud ktua e malong!’ Maksvn nu kauri au takatanya fag ngay taw. Ay nu kadotama au anya fagayu kata sik afuy tagigang fagngabak menit.”

Mateu 5:46

Ay fakesugun nu takesug way lang ayu, wa ban am e fagfanyaun at masine siginans Dius. Aroro anggan ngay tagbul famayad laman sas fun kesug yangay takesug anya.

Mateu 9:11

Ay sanya fag ngay taw Fariseu nu nalag, ginto sas Isus at ngay tagadal te, “Wain manga ay takamoyung nu gfangon fagfasfuanun ngay tagbul famayad laman sas fun ay anggan ngay tagasalanan?”

Markus 2:16

Ay sanya, ngay taw Fariseu tagfoyung Muisis at Faugali nalag Isus nu gfangon gfasfuan ngay tagasalanan ay tagbul famayad laman sas fun. Ay kanya fagayu ginto sas Isus at ngay tagadal te, “Wain manga Isus nu gfangon fagfasfuanun ngay tagbul famayad laman sas fun ay anggan ngay tagasalanan?”

Markus 7:3

Taw Fariseu ay fagayu taw Udyu ya kon yakmay nafegus at daluap, kata at ngay mangaguyang at faugali.

Markus 9:16

Ay Isus nainto te, “Nataw aro ay fagbadbaboanun?”

Lukas 18:11

Ay kafag taw Fariseu namalindug ay gdarangin sat amatanganan te, ‘Fadi fadi ku Dius, aroro kwa gfaning tibak taw tagfangkamul ay at yud matuyan at fakamulun, ay tagfanugtug, ay kdi kata in fag tagbul famayad laman sas fun.

Lukas 19:7

Ay tibak taw nu nalag, gibugan te, “Isus nasakbo sa sik tagasalanan at bale.”

Lukas 5:17

Sik menit, kaduge Isus gfoyung, e ngay taw Fariseu, ay sik ngay tagfoyung Muisis at Faugali malunggung sanya. Kafag ngay taw siginans fagayu furuan tagsis talun Galilea ay talun Udea, ay siginans furuan Erusalem. Ay Dius at fagmabalyananun antayuk sas Isus laman mafafia at ke ngay fakasaitun.

Lukas 5:21

Ay sanya fag ngay tagfoyung Muisis at Faugali ay taw Fariseu gfasigad gamatangan te, “Sinu tuy fag taw, at nalong at mauri sas Dius? Dius way lang at mafafalyam asalanan.”

Lukas 7:34

Ay au, Taw at Baguama, gina au ndasug, gfangon ktua ay ginum. Ay ngay taw glong te, ‘Ida, kanya fag taw sik tagfangkumon way ay annanad glanguan, ay gfagadgalangan ngay tagbul famayad laman sas fun, ay anggan tagasalanan.’

Lukas 7:39

Ay kafag taw Fariseu, at nagewan Isus, nu nalag kafag mangena at nafakamulun, gamatangan te, “Tuy fag mangama, nu Dius di at taglong at sadi, kanya ro saful te, sinu tuy fag mangena tagted anya, aroro kanya sik tagasalanan.”

Fakamulun 23:9

Ay ankaksvn kafag ngay taw at fagudguroanun. Ay tibak taw Fariseu at tagfoyung Muisis at Faugali malindug ay gfafanud te, “Wami e nalag tuy fag taw at asalanan. Malgau sik falad, mannga sik tagbarita at nafakamatoan anya.”