Lukas 5:14 - Fanawbuid tagsibaliwas Fakayabian

¹⁴ Ay Isus maksvn nu glong anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”

Lukas 5:14 ပူးပေါင်းရင်းမြစ်များ

Lebitiku 13:2

Sik taw at balat nu kabaga way, ay nu nke butsig way ay nu kalaksi way, kanya at fagtoglagan te, kanya fag taw gakae bangbangun, nu katanya, tabani anya sas Arun talamean fag ngay tagfon fanggalangun.

Mateu 10:18

Ay e tumaban yangay ban ayu sat ngay afud talun at ngay fun ay sat ngay fun, aroro gafanud am sa angku. Ay ginanya ban mafafamoyung am sabaliwa angku sa kafag ngay fun ay sas yud Udyu fag ngay taw.

Mateu 12:16

Ay Isus nasalag kafag ngay taw laman di kamarita sabaliwa anya.

Mateu 8:4

Ay Isus nalong dayvm anya te, “Lag kamansulit sas nusdi sadik taw. Loi wan ay namalag o emu sas tagfon fanggalangun, ay foni sik fanggalangun kata ebi Muisis at longan, laman sik famasaful sa sangay taw te, anfia wo ay masine wo.”

Mateu 9:30

Ay kafag duama glag wan. Ay Isus maksvn nu gsalag duama laman wa gfasaful sas nusnga sinu.

Markus 6:11

Ay nusnga nday fag talun at ngay taw nu dway kaylat ayu, ay nu dway kaylat gdungugan ayu, nu glo am sanya ginan, fagfagi tagsi ay darafa fag lukbu, laman famasaful te, sanya fag ngay taw wa gfaning.”

Lukas 17:14

Ay Isus nu nalag, nalong te, “Loi wan ay namalag am ay ngay bilug sa sangay tagfon fanggalangun.” Ay gina kafag ngay tagabangbang glao, anfia wan, ay masine wan.

Lukas 5:13

Ay Isus nafalugde at take ay nated kafag taw at ke fakasaitun ay nalong te, “Sabv, kaylat au nu kafia o.” Ay arodi vtv, kafag taw at bangbang anfia wan.

Lukas 9:5

Ay nusnga nday fag talun at ngay taw nu dway kaylat ayu, nu glo am sanya ginan fag furuan, fagfagi tagsi ay darafa fag lukbu, laman famasaful te, kafag ngay taw wa gfaning.”