Lukas 4:34 - Fanawbuid tagsibaliwas Fakayabian

³⁴ “Isus fag taw Nasaret, nataw am fagyafakamulunun sa emi? O am algan namalyam wo em fagmabalyananun? Saful au te, o wan Dius at nasugu at Yud e Malong.”

Lukas 4:34 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

1 Fun 17:18

Ay kanya fag fagbubayun nalong sas Elyas te, “Dius at fagsuguan, nataw am nadotaman angku? O nastae o laman namabul ku munama aroro sa ku ngay asalanan?”

Alubad. 16:10

Wo nafabayan ku falad si sangay kinbul at talun, ay di o naylat au, am fagsuguan at matuyan, nu kadan sis fagfolian.

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Mateu 8:29

Ay kanya fag duak taw nauro te, “Nataw am fagyafakamulunun ro sa emi, o Dius at Baguama? O am fagnastieun namaidapan o emi, dewa yud yay andasug nu gfaurianan fag menit?”

Markus 1:24

“Isus fag taw Nasaret, nataw am fagyafakamulunun sa emi? O am algan namalyam wo em fagmabalyananun? Saful au te, o wan Dius at nasugu at Yud e Malong.”

Markus 1:34

Ay Isus nafafia ngayuk taw, nusnga setaw fag fakasaitun ay naiyan ngayuk mauri fag falad. Isus gsalag kafag ngay mauri fag falad nu garingang, aroro toglag anya.

Markus 5:7

Isus glong sa anya te, “O fag mauri fag falad, loi wan sanya ginan fag taw!” Ay maksvn kafag taw nu guro te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu sis Dius at daga salubangan te, lag gfauri angku.”

Lukas 1:35

Ay tagbarita nabalus te, “At Masine fag Falad umdasug ban sa emu, ay anggan Tiba Tungud at fagmabalyananun umtayuk ban sa emu, laman ban am fagfasalugun fag sisian yud e malong gfangayan ban anya te, Dius at Baguama.

Lukas 4:33

Ay sis bale fakafulan e sik mangama at kintayuk sik mauri fag falad, ay kanya nauro te,

Lukas 4:41

Ay Isus naiyan yangay at mauri fag ngay falad siginan ngayuk taw. Ay kafag ngay falad gina gduksun, guro sas Isus te, “O wan Dius at Baguama!” Dewa katanya, Isus nasalag laman wa garingang, aroro kafag ngay falad saful te, Isus, Dius at nafili fag Fun.

Lukas 8:28

Kafag mangama nu nalag Isus, nauro ay namalub sit daga salubangan, ay maksvn nu glong te, “Nataw am fagyafakamulunun ro sa angku, Isus, Tiba Tungud fag Dius at Baguama? Maksvn nu glong au emu te, lag gfauri angku.”

Lukas 8:37

Ay fagayu taw siginans furuan Gerasa, ay siginan at ngay tagligung fag talun, get sas Isus te, “Anin ngatu, loi wan ste ginan,” aroro kanya fagayu garinun kalimu. Nu katanya, Isus nasakay sas sakayan lino ay noli wan.

Fakamulun 16:39

Nu katanya, kafag ngay tagwabilug nalao sas fagubungan laman namainfanyuan duama. Ay kafag ngay tagwabilug nafalfas Pablu ay Silas, ay kanya fagayu gfainfanyuan sas duama te, “Loi wan.”

Fakamulun 2:27

Aroro di o nafabayan ku falad nu kadasug sat kinbul at talun, ay di o naylat am Nafili nu kadasug sas fakadanun.

Fakamulun 3:14

Ay kanya dewa sik matuyan ay yud e malong, ankuri am anya, ay naet am te, falfasi sik takamabul fag taw.

Fakamulun 4:27

Nu katanya, Erudes ay Pilatu ay at yud Udyu fag ngay taw ay ngay taw Israel ansadi laman namawayan am fagsuguan Isus, am nafili fag Fun.

Ebreu 2:14

Dakngani at ngay sisian sik taw fia, anggan Isus sik taw yangay fia, kanya, kata kafag ngay taw, e faknul ay e taguk, laman siginan at nabulanan nababo wan Satanas ke fagmabalyananun sas fakabulun.

Santiagu 2:19

Gafanud o te, sadi way tam Dius. Matuyan. Anggan ngay bara gafanud yangay ay maksvn nu gtadtaruyan kalimu.

1 Uan 3:8

Ay fagayu tagfataglayun gasalanan, kanya Satanas way at taw. Aroro siginans fakasigadan Satanas gfakamulun gugat asalanan. Ay Dius at Baguama at fagindasugun, laman namamin Satanas at fakamulun.

At Nafasure 20:2

Ay kanya nagamat ule daul, tangaduge wan nu gleleg, at ngayan tiba te, Takamuag ay Satanas. Ay nu masiukan sadik libuk banwa.

At Nafasure 3:7

“Riruki sas tagbarita tagulit ngay tagafanud sis Filadelfia te, “Tagted Dabid at fanluang di e malong ay matuyan. Kanya nu naluang wan sakbawan we madingding ya, ay nu nadingding wan we mananluang ya. Kanya glong te,