Lukas 4:23 - Fanawbuid tagsibaliwas Fakayabian

²³ Ay Isus nalong te, “Matuyan, lumong am sa angku te, ‘Tagfafia, fafiai am sadili,’ at masuad te, ‘Fakamuluni yangay ste sim furuan, kata em nadungug am nafakamulun sis furuan Kapernaum.’ ”

Lukas 4:23 ပူးပေါင်းရင်းမြစ်များ

Mateu 13:54

Ay nu ndasug sat furuan fia, nafoyung tagsanya fag ngay taw sis bale fakafulan. Ay ngay taw kadulo ay gidgintoan te, “Daginan manga kanya fag taw at fagsafulun ay at fagmabalyananun gfakamulun at ngay madulo?

Mateu 4:13

Ay kanya nalo wan siginans furuan Nasaret ay namanwan yangay sas furuan Kapernaum sis tigyangan lino, ebi sis Sebulun ay Naftali fag gaban at talun.

Mateu 4:23

Ay Isus nalo sas fagdaul talun Galilea laman namoyung sanya fag ngay bale fakafulan at masine fag barita sabaliwa Dius nu gfagtainan. Ay Isus nafafia fagayu taw, nusnge wain kafag ngay taw at fakasaitun.

Markus 6:1

Isus nalo sanya ginan ay andasug sat furuan fia, ay at ngay tagadal nangalo anya.

Lukas 2:39

Use ay Maria nu nafakamulun wan fagayu kata tam Fun at Faugali, kafag talanan noli wan sas furuan Nasaret sas talun Galilea.

Lukas 2:51

Ay Isus noli wan sas Nasaret gfadgaloan at fagtainan. Ay Isus gfaning at fagtainan at longan. Ay at mina gamatangan gugat takatanya fagayu.

Lukas 4:16

Sanya ginan, Isus noli wan sas furuan Nasaret sat talun ebi gina munama yay, ay nasakbo sas bale fakafulan sis Famiangalay fag Menit, kata at ugali. Ay Isus namalindug, laman gtap Dius at Rirukan.

Lukas 4:31

Sanya ginan, Isus nalao sas furuan Kapernaum, sis talun Galilea. Ay sis Famiangalay fag Menit, kanya gfoyung sa sangay taw.

Lukas 4:35

Ay Isus maksvn nu gsalag te, “Lag garingang. Ubuni wan kanya fag taw.” Ay kafag mauri fag falad nu nafatong kafag taw sas wabilug fagngayuan taw, naubun wan, ay kafag taw di e natarasan.

Lukas 6:42

Ay wain ro am fagnalongun sam faduksay te, ‘Faduksay, au wan tagbul am namata,’ ay wo glag kafag balse sim mata. Takamaningan wayo fag taw. Buli yap taguna kafag balse sim mata, ay nu nabul tuo, malyo tua ro nu gdama o, ay mabul wo am faduksay at namata.

Uan 4:28

Nu katanya, kafag mangena nafamato yay at baringan ay anfoli sas furuan laman nanlong sa sangay taw te,

2 Kurintu. 5:16

Nu katanya, siginan katsi wami gamatangan ya sabaliwas taw, kata takalag fagayu nusnge wain. Ebi taguna katanya way nu gtoglag ami tam Fun Isus, ay katsi di katanya.