Lukas 4:2 - Fanawbuid tagsibaliwas Fakayabian

² Isus nu sanya ufatk safuluk menit, ay Satanas gfaskud anya. Kadugenya, Isus wa batang gfangon, ay maksvn nu kalunus.

Lukas 4:2 ပူးပေါင်းရင်းမြစ်များ

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

1 Fun 19:8

Ay Elyas anfulo, ay nafangon ay nainum. Ay anfoli at fagmabitsugun, ay nalao kaduge ufatk safuluk menit ay ufatk safuluk yabi, ay andasug sas Kureb, Dius at nafili fag buksul.

Ester 4:16

“Namaful o fagayu taw Udyu tagbanwan ste sfuruan Susa ay darangini yud gfangon laman sa angku. Lag am gfangon ay ginum kaduge tuluk menit. Au ay ku ngay fagsuguan fag mangena nandarangin yangay mi yud gfangon. Sanya ginan, sa kro sfun dewa gsalan way sis faugali. Ay nu nafabul wa ro angku, mafalganan kwa kabul.”

Nu Galin 34:28

Sanya, Muisis nu gfadgaloan Yawi, at kadugean ufatk safuluk menit ay ufatk safuluk yabi. Kadugenya wa batang gfangon ay ginum. Muisis nariruk sa sangay dalifi at nasadian fag safuluk suguan.

Unas 3:7

Ay kanya nasugu laman gfoyung sa sangay taw Ninibe te, “Katatuy Ninibe at fun ay anggan at ngay tagfangguna at suguan: wam masine gfangon ay ginum, anggan ay ngay baka, tupa ay kambing.

Mateu 21:18

Ay balabag di, gina Isus ay at ngay tagadal kafoli sas furuan Erusalem, Isus anlunus.

Mateu 4:2

Ay kaduge ufatk safuluk menit ay ufatk safuluk yabi Isus we naon, ay nu ntabu wan, kalunus.

Lukas 4:3

Ay Satanas nalong sas Isus te, “Nu Dius tuo at Baguama, longi stae fag gang te, ‘Akawati sik fakonun.’ ”

Uan 4:6

Sanya Akub at bubun. Ay Isus malunggung sis tigyangan bubun, aroro kalufuy at nalao. Aroro ginanya, gakawabilugun menit wan.

Deuterunumyu 9:18

Ay namalub au sis Yawi at daga salubangan kaduge ufatk safuluk menit ay ufatk safuluk yabi. Kadugenya kwe naon ay kwe nainum, aroro sa ay nafakamulun fag ngay asalanan. Ay nafakamulun am at mauri sis Yawi at daga salubangan, ay siginan takatanya nafadotama am anya.

Deuterunumyu 9:25

Kanya wan ku fagnamalubun sis Yawi at daga salubangan kaduge ufatk safuluk menit ay ufatk safuluk yabi aroro Yawi nalong te, namamin ayu.

Deuterunumyu 9:9

Gina au gundaud sas buksul laman namul ngay dalifi fagrirukan Yawi at nasadian at nawat sa ayu, sanya kway gugat kaduge ufatk safuluk menit ay ufatk safuluk yabi, ay kadugenya kwa gfangon ay kwa ginum.

Ebreu 2:18

Isus nadalan wan ngay fagidapun gina gafaskudan, nu katanya katsi kanya mafagubuk tua ngay taw tagdalan sa sangay famaskud.

Ebreu 4:15

Tam Tiba Tungud fag Tagfon Fanggalangun kanya nasaful tam ngay kamomuyan, aroro kanya nadalan wan fagayu famaskud kata antam, ay dewa katanya, kanya we asalanan.

1 Samwel 17:16

Kaduge ufatk safuluk menit galay balabag ay yabi, Gulyat guro gfalingun ngay taw Israel.