Lukas 4:19 - Fanawbuid tagsibaliwas Fakayabian

¹⁹ ay laman namoyung au te, andasug wan at buknga tam Fun nu gfalangfe taw.”

Lukas 4:19 ပူးပေါင်းရင်းမြစ်များ

Isayas 42:1

Yawi nalong te, “Ste wan ku fagsuguan. Nafaksvn au at amatanganan, ay nafili au anya ay guseganan au anya. Nafatayuk au ku Falad sa anya, ay namae fagmatuyanun ban sas fagayu talun at taw.

Isayas 61:2

Nasugu yangay angku laman namoyung au te, katsi fag buknga Yawi namalangfe at ngay taw ay namaurianan at ngay fawayan. Nasugu yangay angku laman namasun au ngay takabalu sas Siun. Abat ngate gfoli dafug sat alfuyu laman famasaful te, kabalu, kanya naugwag way langis ay nasangboan barugwak at famasaful te, e fagmanabayanun. Ay kanya umkata ngay fun kayu at mogat, Yawi at natanum. Ay e gtoglag ban anya fagayu te, at matuyan fag ngay taw tagfauseganan Yawi.

Isayas 63:4

Nafakamulun au takatanya, aroro andasug wan fag menit nu gfaurianan au ku ngay fawayan ay nu gfalangfe au ku ngay taw.

Tap 36:4

Galay ndasug nu gfalfas fag banwa, kafag daga mafon sat mangama at kasugfunanan, ay em mangaguyang at kasugfunanan wa ban gagbilug ya.”

Lukas 19:42

ay nalong te, “At masine nu nasaful di o katsi te, nataw tagfae fagmanabayanun emu. Ay duan, ansuksuk wan at masuad sa emu.

2 Kurintu. 6:1

Ami, taggubuk Dius at fakamulun, maksvn nu glong ami ayu te, lag am gfayud e tungkul Dius at nafon antam fag fagmagalangun.