Lukas 4:15 - Fanawbuid tagsibaliwas Fakayabian

¹⁵ Ay Isus gfoyung sas taw Udyu at ngay bale fakafulan, ay fagayu taw naseg anya.

Lukas 4:15 ပူးပေါင်းရင်းမြစ်များ

Isayas 55:5

Nanguro am ay fagyudun toglag fag ngay talun at ngay taw, ay kanya ban fagayu gabanganan nangakbang sa ayu, aroro au Yawi, Israel at Dius at yud e Malong, at nafae famauseganan ayu.”

Mateu 13:54

Ay nu ndasug sat furuan fia, nafoyung tagsanya fag ngay taw sis bale fakafulan. Ay ngay taw kadulo ay gidgintoan te, “Daginan manga kanya fag taw at fagsafulun ay at fagmabalyananun gfakamulun at ngay madulo?

Mateu 4:23

Ay Isus nalo sas fagdaul talun Galilea laman namoyung sanya fag ngay bale fakafulan at masine fag barita sabaliwa Dius nu gfagtainan. Ay Isus nafafia fagayu taw, nusnge wain kafag ngay taw at fakasaitun.

Mateu 9:35

Ay Isus nalo sa sangay furuan ayu daul ay sa sangay furuan ayu sirut, laman namoyung sanya fag ngay bale fakafulan at masine fag barita sabaliwas Dius nu gfagtainan. Ay Isus nafafia fagayu taw nusnge wain at fakasaitun.

Mateu 9:8

Ay kafag ngay taw nu nalag, andulo daul, ay gseg Dius aroro kanya nafon fagmabalyananun sas taw.

Markus 1:27

Ay fagayu taw andulo ay gidgintoan te, “Nataw tuy? Bagu fag foyungan at ke fagmabalyananun! Aroro nu nasugu sat mauri fag ngay falad, kanya fagayu gfaning.”

Markus 1:39

Ay Isus gdalanan fagdaul furuan Galilea ay gfoyung sa sangay taw Udyu sa sangay bale fakafulan, ay gaiyan at mauri fag ngay falad.

Markus 1:45

Kanya fag taw nalo wan ay maksvn nu gfoyung sas fagayu taw ay nu gfarapyag at barita. Nu katanya, Isus wa manangasure sa sangay furuan ayu daul, ay nu glo sa way sangaba talun at yud e taw. Ay ngay taw kadasug sa anya dewa ndaginan.

Lukas 13:10

Sik Famiangalay fag Menit, Isus gfoyung sis bale fakafulan.

Lukas 4:16

Sanya ginan, Isus noli wan sas furuan Nasaret sat talun ebi gina munama yay, ay nasakbo sas bale fakafulan sis Famiangalay fag Menit, kata at ugali. Ay Isus namalindug, laman gtap Dius at Rirukan.