Lukas 3:8 - Fanawbuid tagsibaliwas Fakayabian

⁸ Ugalii at masine laman gfalag am te, naubun wam ay ngay asalanan. Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Lukas 3:8 ပူးပေါင်းရင်းမြစ်များ

Nemyas 5:11

Katsi fafolii wan at nafaulbus sa ayu fag ngay fagtanuman, ngay wat ubas, ngay tanum ulibu, ay anggan at ngay bale. Fafolii yangay ay nafafamut at famayad ay ngay nafaulbus fag ngay salapi, ay trigu, fanlangu at bagu ay langis.”

Esekyel 33:24

“Taw at baguama, at sawad fag ngay taw tagbanwan yay si sangay furuan at marasrasan sis Israel glong te, ‘Abrayam sesadi way, ay kanya nagbilug fagdaul ste fag talun. Ay itam ngayu tua tam, nu katanya, matuyan magbilug tam ste fag talun.’

Mateu 21:43

Nu katanya, glong au ayu te, Wa ban am umful sas Dius at fagfagtainanan. At kumful ban, tagfaning tua at fakaylatun.

Mateu 3:8

Ugalii at masine, laman gfalag am te, naubun wam ay ngay asalanan.

Mateu 3:9

Ay lag gamatangan te, ‘Ansak wan aroro Abrayam tua em mangaguyang.’ Amatangani, Dius ro mawat way Abrayam at ngay kasugfunanan dewa ste ginan fag ngay gang.

Lukas 13:25

“Ay kanya fag tagagbilug bale nu nlindug ay nu nadingding wan at sakbawan, am si way am slod bale, ay katuk am sis sakbawan ay guro te, ‘Em Fun, luangi, fasakboi emi.’ Ay kanya gbalus ayu te, ‘Kwa toglag ayu ay kwa saful te, daginan am.’

Lukas 13:26

“Ay glong ban am te, ‘Ebi nafasfuan ami emu gfangon ay ginum. Ay nafoyung o emi si em ngaba dalan.’

Lukas 14:9

Nu katanya, at nagewan ro ayu nu ndasug glong emu te, ‘Tsi way o, tuy tua fag taw tagmalunggung sanya.’ Ay nu katanya, kapla ro wo glo sat yud mafasinean fag faglunggungan.

Lukas 19:40

Ay Isus nalong te, “Gfoyung au ayu te, tuy fag ngay taw nu dway garingang, ngay gang wa ro taguro.”

Lukas 19:9

Ay Isus nalong anya te, “Katsi, fakalangfean andasug wan ste fag bale.” Ay nalong yangay te, “Tuy fag taw Abrayam yangay at kasugfunanan.

Lukas 5:21

Ay sanya fag ngay tagfoyung Muisis at Faugali ay taw Fariseu gfasigad gamatangan te, “Sinu tuy fag taw, at nalong at mauri sas Dius? Dius way lang at mafafalyam asalanan.”

Uan 8:33

Ay kafag ngay taw gbalus anya te, “Ami Abrayam ami at kasugfunanan, ay kabavn wami gafagsuguanan sas nusnga sinu fag taw. Nataw am longan at masuad te, ‘E namalfas ban ayu’?”

Uan 8:39

Kafag ngay taw gbalus te, “Abrayam em mama.” Isus glong anya te, “Nu matuyan tua te, Abrayam tuam at ngay sisian, gfaning tuam nangus at fakamulun.

Fakamulun 26:20

Nafoyung au taguna sis Damasku ay sanya ginan sas Erusalem ay sas fagdaul talun Udea ay anggan sas yud Udyu fag ngay taw. Nafoyung au laman sanya fag ngay taw gubun tua at asalanan ay kafoli sas Dius ay gfatuyan siginan at ngay fakamulun te, naubun wan at asalanan.

Ruma 4:16

Nu katanya, siginan tam fagafanudun, Dius mon antam at nafatuyanan, aroro at kamagalangan, sas Abrayam at kasugfunanan fagayu. At fatuyanan bundi lang sa sangay tagfaning Muisis at Faugali, nu bunway anggan tua sas fagayu tagafanud kata Abrayam. Aroro fagayu tam, tam mama Abrayam.

Ruma 9:7

Ay bunwa Abrayam at kasugfunanan fagayu at kintap te, at sisian, aroro Dius nalong sas Abrayam te, Takatap ban fia te, am kasugfunanan tagsiginan way lang bans Isak.

Filipus 1:11

ay anggan si tua ayu tam Fun Isus at fon at masine fag ugali, laman gfae fagmasineun ay gfauseganan Dius.