Lukas 3:3 - Fanawbuid tagsibaliwas Fakayabian

³ Ay Uan nafafagdaul talun tagsumbalian Liskung Urdan, ay kamoyung sa sangay taw tagbanwan sanya te, “Foyungi ay ubuni ay ngay asalanan ay asurungi sasad mamam, laman Dius gfalyam ay ngay asalanan.”

Lukas 3:3 ပူးပေါင်းရင်းမြစ်များ

Mateu 3:11

Gfasurung au ayu sasad mamam laman fagayu taw sumaful te, naubun wam ay ngay asalanan. Ay tagguyan ban angku fag taw gtungud yay angku nu mabalyanan. Kwa masine nusdi at fagsuguan laman tagbuba at lapak. Ay kanya namasurung ayu sat Masine fag Falad ay sas afuy.

Lukas 1:16

Ay kanya ban namafoli ngayuk taw Israel sat Fun Dius,

Lukas 1:77

ay laman namoyung ban o sas Dius at ngay taw te, ‘Dius wan tagfalangfe ay tagfalyam ay ngay asalanan,’

Lukas 4:1

At Masine fag Falad nu ntayuk sas Isus, Isus nalao wan siginans Liskung Urdan. Ay at Masine fag Falad nataban anya sas talun at yud e taw.

Uan 1:28

Anfasludan takatanya sis Betanya, sis dife Liskung Urdan sit fagfasurungan.

Uan 3:26

Nu katanya, kanya fag ngay taw nalo sas Uan ay glong anya te, “Takamoyung, am ufud ebi tsi baliwa Liskung Urdan ay am nafatoglag sa sangay taw, kanya gfasurung yangay, ay fagayu taw sanya wa tanan.”

Fakamulun 13:24

Ay kaduge Isus yud andasug, Uan gfoyung sa sangay taw Israel te, ‘Ubuni ay ngay asalanan ay asurungi.’

Fakamulun 19:4

Ay Pablu nalong te, “Uan nu gfasurung taw, sik fakatoglagan te, naubun wam ay asalanan. Ay Uan nalong sa sangay taw te, ‘Afanudi sa ban tagguyan angku fag taw,’ at masuad te, Isus.”

Fakamulun 22:16

Ay nataw am fagfanyaun katsi? Alindugi wan ay nangasurung wo, ay uroi sa tam Fun laman gfalyam am ngay asalanan.’