Lukas 3:11 - Fanawbuid tagsibaliwas Fakayabian

¹¹ Ay Uan nabalus te, “At ke lanbung dua, foni at sadi sat yud e lanbung. Ay at ke fakonun, foni tua sat yud e fakonun.”

Lukas 3:11 ပူးပေါင်းရင်းမြစ်များ

Esekyel 18:7

Kanya di gfaidapan at iba ay gfafoli tua sat fagfabedanun at famaguna sa anya laman famanya at famayad at ngay nafabedan. Ay kanya di gfangkamul, ay gfon tua fakonun sa sangay taw takalunus, ay gfon yangay lanbung sat yud e lanbung.

Daniel 4:27

Nu katanya, mesug fag fun, dungugani ku ngay fangatulun sa emu: faragangi wan am fagmauriun, ay fakamuluni at matuyan ay afanyui at ngay tagidapan. Nu nafakamulun tua ban o takatanya fagayu, manabayan tua ban o gugat.”

Mateu 25:40

“Ay au, at Fun, gbalus kban anya fagayu te, ‘Matuyan nu glong au ayu te, ay nafakamulun sat sadi ku faduksay at tiba daga, sa angku nu gfakamulun am.’

Lukas 11:41

Foni tua sat yud e kwa laman masine tua fagayu tagsi ayu.

Lukas 18:22

Isus nu nadungug katanya, nalong sa kafag mangama te, “Dewa katanya, sadi ya am kurang. Falaoi am ramraman fagayu ay at nagbulan foni sat yud e kwa, laman e ramraman tua ban o sas banwa. Ay sanya ginan, aloi angku.”

Lukas 19:8

Sakyu namalindug ay nalong sa tam Fun te, “Ku Fun, dungugani, gwabilug ban ku ramraman namon kwan sat yud e kwa. Ay fagayu ku nafandaya gina au gbul ngay taw at famayad, gfafoli kban ufatk kayu nya.”

Uan 13:29

Ay tibak tagadal namatangan te, Isus nasugu Udas laman namul at ngay fagayudanun si ban sfagmafulun, ay mannga namon sat yud e kwa, aroro Udas wan tagalaga at salapi.

Fakamulun 10:2

Kurnelyu fag talanan gsuyu tua ay gseg Dius. Ay kanya nagubuk ngayuk taw Udyu at ke fagidapun, ay mafandarangin tua.

Fakamulun 10:31

Ay kanya nalong sa angku te, ‘Dius nadungug am darangin ay kaylat am fakamulun nu ggubuk o ngay tagidapan.

Fakamulun 10:4

Ay Kurnelyu nadama ay anlimu maksvn, ay nabalus te, “Nataw ku Fun?” Ay kafag tagbarita nalong anya te, “Dius nadungug am darangin ay guseganan am fakamulun nu ggubuk o at ke ngay fagidapun.

Efesu 4:28

Tagfangkamul lag gfangkamul ya, nu bunway fakamuluni tua nusnga setaw at masine laman mafagubuk ngay tagayudan.

1 Timuteu 6:17

Foyungi sat ngay maramraman at ke fagagbilugun nusnge wain ste swa daga te, lag kamatungudun, ay lag gseg takatabu fag ramraman, nu bunway segi tua Dius tagfon antam tam fagayudanun yud e fakatabuan, tagfae fagusegananun antam.

1 Timuteu 6:18

Ay foyungi yangay anya te, fakamuluni tua at masine, ay aramramani sat masine fag fakamulun, ay famoni tua ay gubuki ay kaiban.

Ebreu 6:10

Dius matuyan tua. Nu katanya, kanya di ban kalyam ay nafakamulun ay nu kesug am anya, ay dasug katsi gfataglayun tuam gfalag takatanya siginan nu ggubuk am at nafili fag ngay taw.

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.

Santiagu 2:14

Ku ngay faduksay, we tungkul sik taw nu glong te, “E fagafanudun au,” ay kanya way e masine fag fakamulun. O takatanya at fagafanudun mafalangfe anya?

1 Uan 3:17

Sik taw nu e kwa ay kanya nu nalag at faduksay nu gayudan, ay nu dway nagubuk, o Dius at fakesugun si anya?

1 Uan 4:20

Nusnga sinu taglong te, “Kesug au Dius,” ay kauri way at faduksay, kanya sik takamuag. Aroro sik taw nu nalag at faduksay ay nu dway kesug anya, kaugat wa ro nu yud kesug Dius, at yud kalag.