Lukas 24:44 - Fanawbuid tagsibaliwas Fakayabian

⁴⁴ Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

Lukas 24:44 ပူးပေါင်းရင်းမြစ်များ

Fakasigadan 14:18

Ay Melkisedek, Salem at fun ay tagfon fanggalangun sa Tiba Tungud fag Dius, nanamablang yangay Abram ay e buba tinapay ay fanlangu laman at fon sas Abram.

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 118:22

Ngay takawat bale at naukas fag gang, ansik fagfatungkudan turuk.

Isayas 28:16

Nu katanya, katatuy Yawi tam Fun at longan: “Dungugani fagayu am! Namae fagfatungkudan au gang sas Siun; sik gang maksvn, ay at yud guigan, ay mafanud. Nusnga sinu tagafanud sa anya di ban e fakaplaun.

Isayas 52:13

Yawi nalong te, “Ku fagsuguan ban gbabo. Kanya ban umsik takadungug ay mauseganan.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 33:14

Yawi nalong yangay fia te, “Sik menit ban namafasludan au ku nafatuyanan fag fagmasineun sa sangay taw Israel.

Esekyel 17:22

Fun Dius Yawi nalong yay fia te, “Namul kban kayu sidru at langbud sanga, ay nananum kban sa sik buksul tangabat sis Israel. Ay gtugbung ban, ay grawvg ay umsik tagbia fag fun kayu. Sanya ban fagayu manuk tungud nu nanfugad, ay sanya yangay ban anggan tibak mela nu namalanbung.

Esekyel 34:23

Ay nanfili kban tagalaga anya fagayu kata ku fagsuguan Dabid laman kanya nangalaga.

Daniel 2:44

“Gina ban kanya fag ngay fun gfunan, Dius namalindug sik fagfagtainanan at yud e fakatabuan aroro Dius si tuas banwa. Kafag fagfagtainanan ban wa gababawan nu bunway namamin yay ban tibak fagfagtainanan ay kanya ban sanya tua gugat.

Daniel 7:13

“Sanya ginan, nalag au takata sik taw sis wa linyabu. Kanya ankakbang sa tagleleg kabavn fag Dius.

Usea 3:5

Nu katanya, ngay taw Israel ban gdog yay kafoli sat Dius Yawi ay sat fun Dabid. Ay kabavn ban kanya fagayu kamababaun nangakbang sas Yawi aroro kanya matuyan tua sa anya fagayu.

Amus 9:11

Umdasug ban sik menit gdog au namalindug Dabid at fagfagtainanan kata sik bale famoy at kinkiklas. Namasine kban kata ebi nu masine,

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Sakaryas 14:4

Ginanya ban fag menit, kanya nanmalindug sas Buksul Ulibu, sas Erusalem at fakamenitan baliwa. Kafag buksul umkafud dua siginans fakamenitan sitsigons fakayabian. At taguna fag afud umdugdug sabaliwas fawalan fag alvngvdan ay at faduak afud umdugdug sas fasiunan fag alvngvdan. Ay sit wabilug umke datag daul.

Sakaryas 6:12

Nanlong o sas Uswe te, au Yawi at Mabalyanan glong au te, ‘Kafag taw at ngayan te, Sanga, gtugbung ay namadog ban namawat Yawi at bale. Kanya ban umsik fun ay e gfauseganan ban anya. Ay e tagfon fanggalangun nanmalindug sit day faglunggungan ay kanya fag dua masadi.’

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Tap 21:8

Sanya ginan, Yawi nalong sas Muisis te, “Awati sik ule siginans tansu ay fabati sa sik fungfung tulag. Nusnga sinu at nagatan ule damai sas tansu fag ule laman di kabul.”

Tap 35:25

Ay nu ntuyan te, kanya di natikis gfabul, masine ngay taw nu gbalabag anya siginan sangay taw takaylat namasud, ay gfafoli anya sat fagsuksuanan fag furuan. Fabanwani anya sanya yakmay sanya fag fun tagfon fanggalangun anbul.

Mateu 1:22

Ay ansure wan katanya laman gfafasludan tam Fun at longan ebi ataw siginan at taglong at sadi te,

Mateu 16:21

Siginan ginanya, Isus gfasigad gfoyung sat ngay tagadal te, “Glo kban fia sas furuan Erusalem. Ay sanya ban ngayu ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Mateu 26:54

Ay aroro nu nafakamulun kway ro takatanya, setain ro nu kafasludan Dius at Longan ebi at nafoyung te, katanya ban at kumdasug?”

Mateu 26:56

Dewa katanya, anfasludan takatanya laman namafasludan Dius at ngay taglong at rirukan.” Ay Isus at ngay tagadal fagayu naubun anya ay nalagyu.

Markus 9:31

aroro Isus gfoyung at ngay tagadal. Glong te, “E namoyung ban angku, Taw at Baguama, sat mauri fag ngay taw. Ay kanya ban fagayu gfabul angku, dewa katanya, si bans fatuluk menit, gdog kyay ban gleleg.”

Lukas 21:22

Aroro ginanya wa ban fag buknga nu gfaurianan, laman gfafasludan Dius at Longan at kinriruk ebi.

Lukas 22:37

Aroro gfoyung au ayu te, at masine nu namafasludan kban tuy fag Rirukan te, ‘Natap anya kata sik tagasalanan.’ Ay katsi kafasludan wan kafag Rirukan.”

Lukas 24:46

Ay kanya nalong sa anya fagayu te, “Sis Dius at Longan marirukan te, Dius ban at nafili fag Fun dumalan fagidapun ay umbul, ay si bans fatuluk menit gdog yay gleleg.

Lukas 9:22

Isus nalong yangay te, “Au, Taw at Baguama, ngayu ban ku fagnandalanun faurianan siginan sangay fagtainan ay ngay fun tagfon fanggalangun ay anggan ngay tagfoyung Muisis at Faugali. Ay e gfabul ban angku, ay gdog kyay ban gleleg sis fatuluk menit.”

Lukas 9:44

“Dungugani fia masine, aroro e namoyung ban angku, Taw at Baguama, sat mauri fag ngay taw.”

Uan 3:14

Nu setain Muisis nu gfabat ule tansu sis talun at yud e taw, katanya yangay ban au, Taw at Baguama, nu e gfabat angku,

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Uan 5:46

Nu gafanud tuam sas Muisis, gafanud yangay am nangus sa angku, aroro kanya at rirukan sabaliwa angku.

Fakamulun 13:33

Dius nafafasludan at fatuyanan sa antam fag kasugfunanan sabaliwa nu gfadog gfaleleg Isus. Aroro katatuy at Rirukan sis faduak Alubad te, ‘O wan ku Baguama, ay katsi au wan am Mama.’

Fakamulun 13:40

Nu katanya, dirii laman ban di mfasludan sa ayu kata Dius at ngay taglong at rirukan te,

Fakamulun 2:27

Aroro di o nafabayan ku falad nu kadasug sat kinbul at talun, ay di o naylat am Nafili nu kadasug sas fakadanun.

Fakamulun 3:18

Ay baliwan ay nafakamulun takatanya, anfasludan Dius at nafoyung ebi siginan at ngay taglong at foyungan te, Dius ban at nafili fag Fun nanginkidapan.

Fakamulun 7:37

“Muisis yay fia at nalong sa sangay taw Israel te, ‘Dius ban gfili sik taglong kata angku siginan ay ngay kasugfunanan.’

Ebreu 10:1

Muisis at Faugali sik malikbug yay fag aninu, sik fafaskudanan sat masine takadasug yay ban. Kafag Faugali bunwa kanya at matuyan, nu katanya wa mafafasine fagayu taw at nangakbang sas Dius siginan at ngay fanggalangun at fagnamonun galay banwa.

Ebreu 3:5

Muisis, Dius at fagsuguan, matuyan tua nu gfangguna Dius at ngay taw, ay fagayu at nafakamulun sik fafaskudanan sabaliwa takafasludan yay ban.

Ebreu 7:1

Melkisedek furuan Salem at fun, ay sik tagfon fanggalangun sa Tiba Tungud fag Dius. Abrayam nu kafoli wan siginan at fagawayanan, nafablang Melkisedek, ay Melkisedek nafadante sik masine fag longan sas Abrayam.

Ebreu 9:8

Kata kanya at Masine fag Falad nu gfasaful te, ya maluangan dalan tagsat Mafasamanan Fia fag Suluk sis banwa kaduge ban nu sanya yay bale ramit fagnansegan Dius.

1 Pedru 1:11

Ay kanya fag ngay taglong gugatan gyasafulun te, ginain ban ay setain nu kafasludan at longan. Siwa anya fagayu tam Fun Isus at Masine fag Falad, ay kanya fagayu gfoyung sabaliwa Dius at nafili fag Fun at fagnandalanun fag fagidapun ay at fagnamadasugun fag fagmasineun.

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.