Lukas 24:32 - Fanawbuid tagsibaliwas Fakayabian

³² Ay duama gkamatoanan te, “Newa ngani mabayan tua aro nu gdungugan ta kaduge gfayamag sa anta Dius at Longan at masuad, o kin?”

Lukas 24:32 ပူးပေါင်းရင်းမြစ်များ

Alubad. 104:34

Kanya nangus guseganan tua tagsi ku amatanganan. Ay e fagusegananun ktua ban gugat siginans Yawi.

Alubad. 39:3

Maksvn nu gafanawa au. Ay gamatangan au gugat, kaugat way nu gidapan au gamatangan. Nu katanya, nalong au te,

Fangatulun 27:17

Nu setain sik sanbung nu mafaglat yangay sik sanbung, katanya yangay sik taw gfoyung tua at iba.

Fangatulun 27:9

Sik langis ay sik famaebebanglu gfae fagusegananun ngay taw, kata kanya at matuyan fag fagadgalangan at fangatulun nu gfae fagmanabayanun.

Isayas 50:4

Yawi tam Fun nafoyung angku ku fagnanlongun laman namabitsug au at ngay mamomuy. Kayu balabag Yawi gfulo angku laman gdungugan au at foyungan.

Eremyas 15:16

Yawi, ebi gina o garingang sa angku, nadungugan au emu, ay guseganan au am ngay longan, ay kabavn si ktua gugat emu.

Eremyas 20:9

Tiba ginan, gamatangan au te, deyud ya ku nafoyung sabaliwa emu ay ku nafamoyung am ngay suguan sa angku. Dewa katanya, kwa nafaragang, aroro am ngay longan kata sik afuy tagigang si ku amatanganan ay si ku ngay bini.

Eremyas 23:29

O nunda ku ngay longan wa mabalyanan? Ku ngay longan kata sik afuy nu girug ay sik famulpug nu marufa gang.

Markus 4:34

Isus wa gfoyung nu dway gfaydayuanan. Ay at ufud nu at ngay tagadal tua lang, Isus gfayamag at ngay faydayuanan at masuad.

Lukas 24:45

Sanya ginan Isus nafoyung sa anya fagayu laman gtogdungug Dius at Longan.

Uan 6:63

At Masine fag Falad tagfon leleg, ay we taw mafafakamulun takatanya. Ku ngay foyungan ayu siginan at Masine fag Falad, ay kanya wan tagfon leleg.

Fakamulun 28:23

Ay kanya fagayu nafili sik menit laman gdog yay maful, ay ngayuk taw at kindasug sas Pablu at bale nu ndasug at nafili fag menit. Ay Pablu gfoyung sas fagayu taw siginans balabag yakmay anyabi, ay gfayamag sa anya fagayu siginan Muisis at Faugali ay siginan Dius at ngay taglong at ngay rirukan, sabaliwa Dius nu gfagtainan. Ay Pablu gugatan gfoyung sabaliwas Isus laman kafag ngay taw gafanud.

Ebreu 4:12

Dius at Longan gleleg ay maksvn tua ay amaglat yap tua sik fiso tagsumbalian at uyup. Kanya gurus antam ay gtalfus sa tam falad ay sa tam amatanganan ay anggan sa tam ngay lufuan ay tam basad bini, ay saful yangay ngay taw at amatanganan ay at ngay algan.