Lukas 24:27 - Fanawbuid tagsibaliwas Fakayabian

²⁷ Ay Isus gfataglayun gfayamag sas duama sabaliwa at sadili siginans Muisis ay anggan Dius at ngay taglong at rirukan sabaliwa anya.

Lukas 24:27 ပူးပေါင်းရင်းမြစ်များ

Fakasigadan 12:3

Gfadante kban sas nusnga sinu at nafadante tua emu, ay gfaurianan kban fagayu at nafaurianan emu. Ay siginan emu gfadante kban fagayu talun at taw.”

Fakasigadan 22:18

Ay siginan ban am ngay kasugfunanan ggubuk kban fagayu talun at taw sas fagdaul daga, aroro nafaning tuo angku.’ ”

Fakasigadan 26:4

Gfayu kban am ngay kasugfunanan kayu ngay galeme sis banwa. Ay gfon kban sam ngay kasugfunanan ste fag talun, ay siginan ban anya fagayu, ggubuk kban fagayu talun at taw sas fagdaul daga.

Fakasigadan 3:15

O wo ban ay kafag mangena gawayan ban am gugat. Ay anggan ban am ngay kasugfunanan ay kafag mangena at kasugfunanan gawayan gugat. Ay kanya ban nanrufa am alfuyu ay kagat ban o at sungkulan.”

Fakasigadan 49:10

Ay gfunan tua ban o gugat, ay siginan tua ban gugat am kasugfunanan tagfunan. Nu katanya, tiba bank talun at ngay taw gfon tua ban sa emu famayad, ay kanya ban fagayu gfaning tua gugat emu.

Alubad. 132:11

Ebi nafatuyanan o sas Dabid te, “Gfalganan kban gugat siginan am kasugfunanan, tagtubus emu laman sik fun. Ay matuyan gfafasludan ban o takatanya, ay di ban o kalyam.”

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 50:6

Nafabayan au nu e gfalang ku guyuy, ay nasalubang au sa sangay taggulad ku umi. Nafabayan kwan nu gfalingun angku ay nu gtufe ku mata.

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 8:17

Dewa Yawi naiyan Akub at kasugfunanan, au gafanud ktua sas Yawi. Nu katanya, gagwanta ktua gfanya anya.

Isayas 9:1

Dewa katanya, tagidapan fag ngay taw at fagmadulumun kalyam ban. Ebi, Yawi nafabayan wan taw Sebulun ay taw Naftali at talun nu kapla. Dewa katanya, sik menit ban kanya gfasik masulo kafag duak talun. Sanya wan fag ngay talun ngay taw at dalan siginans tigyangan dagat tagsas Liskung Urdan. Kafag ngay talun, Galilea at fagagbilugun, at yud Udyu fag ngay taw at fagbanwanan.

Esekyel 34:23

Ay nanfili kban tagalaga anya fagayu kata ku fagsuguan Dabid laman kanya nangalaga.

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Daniel 7:13

“Sanya ginan, nalag au takata sik taw sis wa linyabu. Kanya ankakbang sa tagleleg kabavn fag Dius.

Mikas 5:6

Ay kanya ban namabo ay nanfunan talun Asirya, Nimrud at talun. Nu katanya, ngay taw ban Asirya nu namawayan way tam talun, tam tagfangguna ban gfalangfe tua antam.

Mikas 7:20

Nu setain nu nesug o ay nu matuyan o sa em mangaguyang Abrayam ay Akub, katanya yangay nangus am fakamulun anggan sa emi.”

Sakaryas 13:7

Yawi at Mabalyanan glong te, “Falganani fiso tagsumbalian at uyup! Ay fabuli wan ku nafili fag tagalaga tupa. Fabuli anya laman at ngay fagalagaun fag ngay tupa sumaruayan. Ay namaurianan au anya fagayu.

Sakaryas 9:9

Yawi nalong te, “Ngay taw Siun useganani tua, ay am fag ngay taw Erusalem uroi sik fagusegananun, aroro ay fun kadasug wan. Kanya gfakamulun at matuyan ay Dius ggubuk tua anya. Kanya kamababaun tua, ay kadasug gsakayan sis riangan asnu.

Malakyas 4:2

Dewa katanya, am tagsuyu angku, gfalangfe ktua ban ayu kata menit at yamag nu bagu kasure tagfon fagmafianun. Ay gtudtulbuan ban am guseganan kata sik ngay riangan baka at nalfas siginans fagubungan.

Tap 21:14

Katatuy at kinfasludan at fagnarirukun sas fafil gina Yawi gfawayan furuan Waeb tagsis talun Supa, ay sis Liskung Arnun,

Markus 4:34

Isus wa gfoyung nu dway gfaydayuanan. Ay at ufud nu at ngay tagadal tua lang, Isus gfayamag at ngay faydayuanan at masuad.

Lukas 24:25

Isus nalong sa kafag duama te, “Am wan at yud mamatanganan fag ngay taw! Ay at maranan nu gafanud Dius at ngay taglong at longan.

Lukas 24:44

Ay Isus nalong te, “Katatuy ku longan ayu ebi, gina au galo yay ayu: fagayu at marirukan sabaliwa angku sis Muisis at Faugali ay sis Dius at ngay taglong at ngay rirukan, ay anggan si sangay Alubad, umfasludan wan.”

Uan 1:45

Felipe nalag Natanael ay nalong anya te, “Nalag ami Isus tagsiginans furuan Nasaret, Use at baguama. Kanya wan Muisis at longan fia sis Muisis at Faugali ay si yangays Dius at ngay taglong at rirukan.”

Uan 12:41

Isayas at fagnalongun katanya aroro nalag Isus at fagmasineun ay nafoyung sabaliwa anya.

Uan 5:37

Ay ku Mama at nasugu angku, kanya tagfatuyan yangay sabaliwa angku. Kabavn yam batang gdungug at aringang ay yam batang glag anya,

Uan 5:39

Gadal am Dius at Longan aroro sanya ginan gamatangan am te, siginan takatanya magbilug am leleg at yud e fakatabuan kabavn. Ay kanya fag ngay Longan tagfatuyan sabaliwa angku.

Fakamulun 10:43

Ngay taglong nafoyung sabaliwas Isus te, fagayu tagafanud sa anya umkalyam wan at ngay asalanan.”

Fakamulun 3:18

Ay baliwan ay nafakamulun takatanya, anfasludan Dius at nafoyung ebi siginan at ngay taglong at foyungan te, Dius ban at nafili fag Fun nanginkidapan.

Fakamulun 3:22

Kata Muisis at longan te, ‘Tam Fun Dius nanfili ban sik taglong kata angku siginan ay ngay kasugfunanan, ay faningi ban nusnge wain at longan sa ayu.

Fakamulun 3:24

Ay katanya yay Dius at ngay taglong at foyungan sabaliwa katsi fag ngay menit, siginans Samwel ay anggan at naguyan anya fag ngay taglong.

Fakamulun 7:37

“Muisis yay fia at nalong sa sangay taw Israel te, ‘Dius ban gfili sik taglong kata angku siginan ay ngay kasugfunanan.’

Fakamulun 8:35

Siginan kanya fag rirukan Felipe nafoyung sa anya at Masine fag Barita sabaliwas Isus.

Deuterunumyu 1:45

Anfoli am gwayway sas Yawi, dewa katanya, kanya wa nadungugan ay wa nabalus ayu.

Deuterunumyu 18:15

Ay Dius Yawi nanfili sik taglong kata angku laman sa ayu, siginan ay kaiban fag ngay taw Israel; dungugani ban anya.

At Nafasure 19:10

Ay namalub au sit daga salubangan laman gseg anya, ay kanya nalong sa angku te, “Lagi, aroro sik fagsuguan kyangay kata emu ay kata kyangay tibak tagafanud tagfoyung sabaliwas Isus at foyungan. Dius tua am fagfausegananun.” Nusnga sinu tagfoyung sabaliwas Isus, gfoyung siginan at Masine fag Falad at fagmabalyananun.