Lukas 23:51 - Fanawbuid tagsibaliwas Fakayabian

⁵¹ Use wa gfadiuganan tibak tagfangguna at fakaylatun ay at fakamulun. Kanya gfanya Dius nu gfagtainan.

Lukas 23:51 ပူးပေါင်းရင်းမြစ်များ

Fakasigadan 49:18

Sanya ginan, Akub nalong te, “Yawi, gfanya au nu gfalangfe o.”

Nu Galin 23:2

“Dangay am galoan sas fagngayuan nung way gfakamulun at mauri. Nung am gfatuyanan sa sik malong, lag gfadiuganan at fagngayuan laman gsaruy at matuyan.

Fangatulun 1:10

Ku sisian, lag galoan ngay taw mauri at famaylatan.

Isayas 8:12

Ay tibaginan lag am gafanud dewa gibugan glong te, ‘Fagayu taw at maseganama ansadi wan sat mauri fag algan yud e nasaful.’ Ay lag am gtadtaruyan kalimu sat ngay fakalimuun fag ngay taw.

Mateu 27:57

Ay nu gakayabiun wan, sik taw at maramraman andasug siginans furuan Arimatea, at ngayan Use. Kanya Isus at tagadal at sadi.

Markus 15:43

Use tagsiginans Arimatea, nafaksvn at amatanganan laman nanget sas Pilatu Isus at bilug. Ngay taw gsuyu tua anya, ay kanya sik tagfangguna yangay sa sangay taw Udyu. Kanya gfanya Dius nu gfagtainan.

Lukas 2:25

Sis Erusalem e sik taw at ngayan Simyun. Kanya sik matuyan fag taw ay gafanud sas Dius, ay at Masine fag Falad si yangay anya. Ay kanya mafanyan tua gugat ngay taw Israel at tagfalangfe nu kadasug.

Lukas 2:38

Ay ginanya Ana nkakbang sas talanan. Ay kanya gseg Dius ay nafoyung sabaliwas Isus sas fagayu tagfanya Dius nu gfalangfe furuan Erusalem at ngay taw.

Lukas 23:42

Kafag taw nalong sas Isus te, “Isus, amatangi ban angku gina ban o gfagtainan.”

Lukas 23:52

Kanya fag taw nalo sas Pilatu ay get sa anya Isus at bilug.

1 Samwel 1:1

E sik mangama at ngayan Elkana siginan Suf at gaban. Kanya gbanwan sis Rama, tagsis Efraim at fagagbilugun fag ngay buksul. Kanya Erukam at baguama, ay Elyu at fufu. Ay Elyu, Tuku at baguama, ay Tuku, Suf at baguama, siginan Efraim at gaban.