Lukas 23:41 - Fanawbuid tagsibaliwas Fakayabian

⁴¹ Matuyan, ita gafaurianan wata fia, aroro e asalanan ta. Ay tuy fag taw we nafakamulun at mauri.”

Lukas 23:41 ပူးပေါင်းရင်းမြစ်များ

2 Krunika 33:12

Ay kanya gina gidapan, nafamababaun ay nafainfanyuan sat Dius Yawi, at ngay mangaguyang yangay at Dius.

Esra 9:13

“Em Dius, nafaurianan o emi, aroro sa em ngay asalanan. Ay am faurianan sa emi kurang yay laman famayad sa em ngay nafakamulun at mauri, dewa katanya, naylat tuo nu kae sawad ami.

Nemyas 9:3

Ay kaduge e gtap at Dius Yawi at Faugali, ngay taw malindug kaduge tuluk uras. Ay kaduge yangay tuluk uras, kanya fagayu nafoyung at ngay asalanan ay gseg at Dius Yawi.

Daniel 9:4

Katatuy ku nalong gina au gdarangin sas Yawi ku Dius ay get au famawakalong sa em ngay asalanan: “Em Fun, o sik mabalyanan ay madulo fag Dius. Gfafasludan o am nasadian, ay kesug o takesug emu ay tagfaning am ngay suguan.

Mateu 27:19

Ay gina Pilatu malunggung sat fanginsafulan fag fagmalunggungan, at bubay nasugu sik fagsuguan sa anya te, “Lag o nangasalag kafag taw at matuyan, aroro sad yabi e taginfan au sabaliwa anya ay wa mabayan ku amatanganan sabaliwa anya.”

Mateu 27:24

Ay Pilatu nu nasaful te, we tungkul ya at ngay longan sa sangay taw, aroro kanya fagayu ganangawayanun wan, kanya nabul sik mamam ay gfegus at daluap si sangay taw at daga salubangan. Ay kanya nalong te, “Kwe asalanan sa kafag taw at fakabulun. Siwa ayu.”

Mateu 27:4

Ay nalong anya fagayu te, “E asalanan au, aroro nafoyung au sa ayu sik taw at yud e asalanan.” Ay ngay fagtainan nabalus anya te, “Am longan we tungkul sa emi. Nusnga setaw wa am algan.”

Mateu 27:54

Ay tagfawayan at fun ay anggan at ngay ufud tagulit Isus, namatang daga nu guigan ay nalag yangay at kinfasludan. Ay kanya fagayu maksvn nu kalimu ay nalong te, “Anud, kanya wa fia Dius at Baguama.”

Lukas 23:40

Ay at usama gagras anya te, “O wo kalimu Dius? Aroro gafaurianan yangay o kata anya.

Lukas 23:42

Kafag taw nalong sas Isus te, “Isus, amatangi ban angku gina ban o gfagtainan.”

1 Tesalunika 2:10

Am wan tagfatuyan te, masine ay matuyan ay di e malong em ugali kaduge ami gfaudgufudan ayu. Ay anggan Dius gfatuyan yangay.

Santiagu 4:7

Nu katanya, faningi Dius. Ay fawayani Satanas, ay kanya lumagyu ayu.

1 Pedru 1:19

nu bunway siginan tua tam Fun Isus at taguk. Kanya kata sik tupa riangan at masine ay at yud e malong.

1 Pedru 2:23

Dewa e nafalingun anya, kanya wa nafasud. Ay dewa e nafaidapan anya, wa nafamalimu, nu bunway nafatigwanan tua at sadili sas Dius, at matuyan fag tagwabilug.