Lukas 23:34 - Fanawbuid tagsibaliwas Fakayabian

³⁴ Isus nalong te, “Mama, falyami kafag ngay taw at fakamulun at mauri, aroro wa nasaful at fakamulun at masuad.” Ay kafag ngay tagfawayan gukas gang laman ginsaful te, sinu ro at nangagbilug Isus at ngay lanbung.

Lukas 23:34 ပူးပေါင်းရင်းမြစ်များ

Fakasigadan 50:17

Kanya nalong sa emu te, falyami wan em nafakamulun sa emu at mauri. Nu katanya, katsi, falyami em asalanan aroro ami tam mama yangay mi at Dius at ngay fagsuguan.” At Use nu nadungug at ngay faduksay at longan, kanya nawayway.

Alubad. 22:18

Ay kanya fagayu nafudan ku lanbung siginan nu gfafidfilian.

Isayas 53:12

Siginan takatanya, namauseganan au anya kata at mabalyanan fag ngay taw, ay kanya namae fagusegananun yangay sat maseganama fag ngay taw, aroro nafon tua at leleg anggan sas fakabulun, ay ngay taw natap anya te, sik tagasalanan, kanya nainkidapan aroro sa sangay taw at asalanan, ay naet tua sas Dius te, falyami kafag ngay taw at ngay asalanan.”

Mateu 11:25

Ay ginanya, Isus glong te, “Mama, o wan banwa ay fagdaul daga at Fun. Fadi fadi nafasuksuk tuo ku foyungan at masuad sa sangay taw at mamatanganan ay anggan sat ke ngay fagsafulun, ay nafasure tuo ku foyungan at masuad sa takata sik ngay sisian fag taw.

Mateu 11:26

Anud, Mama, aroro katanya tua am fakaylatun.”

Mateu 5:44

“Ay katsi glong au ayu te, esugi tagfawayan ayu ay darangini tagfauri ayu,

Markus 15:24

Ay nu natuktuk wan Isus sas fasulungan kayu, kanya fagayu gukas gang laman ginsaful te, sinu ro at nangagbilug Isus at ngay lanbung.

Lukas 22:42

“Mama, nu kaylat o, buli siginan angku ku fagnandalanun ban fag faurianan. Dewa katanya lag gfaning ku fakaylatun, am fakaylatuni tua.”

Uan 17:9

Gdarangin au anya fagayu. Ay kwa gdarangin ngay taw tagfaning ste swa daga at ugali nu bunway fagayu tua am nafon angku, aroro kanya am ngay taw.

Uan 19:11

Ay Isus nabalus anya te, “Wo e fagmabalyananun sa angku nu dway nafon emu siginans banwa. Nu katanya, at nataban angku sa emu at ngay asalanan amaksvn yap am asalanan.”

Fakamulun 16:28

Ay Pablu guro te, “Lagi, lag o gurus am sadili. Fagayu ami, ste yaymi.”

Fakamulun 3:17

“Ku ngay faduksay, nasaful au te, wam nasaful ay nafakamulun sas Isus, ay katanya yangay ay ngay tagfangguna.

Fakamulun 7:60

Ay nu ntabu gdarangin, natudan ay guro te, “Ku Fun, lag o gamatangan tuy fag ngay taw at asalanan.” Ay kanya nu nalong wan takatanya, anbul wan.

Ruma 12:14

Darangini te, Dius gfon at masine sa sangay tagfakamulun sa ayu at mauri. Darangini ay lag am glong te, “Dius faurii anya!”

1 Kurintu 2:8

Fagayu fun ste sfagdaul daga wa nasaful kanya fag masuksukan. Nu nasaful di, wa ro natuktuk sas fasulungan kayu tam Fun at mabalyanan.

1 Kurintu 4:12

Ay gfakamulun ami laman e fakonun tuami. Ay gdarangin ami ngay taw tagfauri emi. Ay gagwanta ami nu e gfaidapan emi.

1 Timuteu 1:13

Kanya nafili angku dewa au nalong at mauri sa anya ay dewa au nafauri ay nafalingun anya. Ay dewa katanya, Dius anfanyu yay angku, aroro gina au yud gafanud sa anya, kya saful ku fakamulun.

1 Pedru 3:9

Nu e nafakamulun sa ayu at mauri, lag am gfasud. Lag am gfalingun tagfalingun ayu, nu bunway darangini way te, Dius nangus gfon sa anya at masine, dakngani am wan at nafili laman namul at masine.