Lukas 23:31 - Fanawbuid tagsibaliwas Fakayabian

³¹ Aroro ngay taw nu gfakamulun wan takatanya sa angku at yud e asalanan, kaugat wa ban nu gfakamulun takatanya sa sangay taw at ke asalanan.”

Lukas 23:31 ပူးပေါင်းရင်းမြစ်များ

Uan 15:6

Nusnga sinu at yud gbanwan si angku, kanya kata sik ngay sanga at kin-gong ay fagukasun. Ay sanya ginan gfaful kafag ngay sanga ay nangukas sasad afuy laman nangirug.

Fangatulun 11:31

At matuyan fag ngay taw at ngay fakamulun ste swa daga gbangsi ban fagmasineun, dewa katanya, sabans taw mauri ay tagasalanan, matuyan gafaurianan way.

Mateu 3:12

Kanya glayap laman gfasaman at ngay nagutan siginans trigu, ay gfaful ngay bintuy trigu sat fagfungsuan. Dewa katanya, at ngay upa nangirug sas afuy at yud ban karabung kabavn.”

Eremyas 25:29

Gfasigad kwan gfadasug faurianan sas furuan Erusalem, ku nafili fag furuan nu inda at fagnamauseganan angku. O nu glong am kwa mafaurianan ayu? Gfaurianan kwan ayu! Aroro gsugu kban laman fagayu talun sas fagdaul daga gawayan. Au, Yawi at Mabalyanan, taglong tuy.’

Udas 1:12

Kafag ngay taw gina gasfuan ayu gfangon, gfae fakaplaun ayu, aroro kanya fagayu gfangkumon. Ay at fagamatanganun at sadili way lang fakaylatun. Kanya fagayu kata way at yud e arak fag linyabu, tagabuban tagmara, ay kata yangay sik tanum tagrare yud grawvg dewa ndasug fanrawvgan, ay an-gulad, ay at lalid anyango wan.

Ebreu 6:8

Dewa katanya, tagtugbung sanya fag daga nu dugi way ay nu makmak way lang, we tungkul kafag daga, ay munakbang wan Dius nu gfauri anya. Ay sa ban at fakatabuan, girug wan.

Daniel 9:26

Ay nu nlangfe ban ufatk sandan tuluk safulu e ufatk banwa, e gfabul ban Dius at nafili fag Fun ay wa ban e ggubuk ya anya. Kafag tagfangguna at ngay fagsuguan nangiklas furuan ay Yawi at bale. Dewa katanya, umdasug ban masakit at fakatabuan kata tagbia fag lugwak. Dius nafalganan te, gfataglayun ban nu e awayan ay nu giklas anggan sas fakatabuan.

Lukas 23:30

Kadugenya, ‘ngay taw ban lumong sa sangay fungsu te, “Atongi sa emi,” ay sa sangay buksul te, “Tabuni emi.” ’

Lukas 23:32

Ngay tagfawayan nataban dua yak taw at ke asalanan, laman namabul gasfuan Isus.