Lukas 23:11 - Fanawbuid tagsibaliwas Fakayabian

¹¹ Ay Erudes ay at ngay tagfawayan kase, gfalingun Isus. Ay kanya fagayu nafae lanbung Isus sik masine fag lanbung. Ay sanya ginan Erudes nalong te, “Fafolii Isus sas Pilatu.”

Lukas 23:11 ပူးပေါင်းရင်းမြစ်များ

Alubad. 22:6

Ngay taw gfalingun ay gfapla angku glong te, bunwa au sik taw ya, nu bunway kata kway lang sik ulud.

Isayas 49:7

Yawi wan Israel at Tagfalangfe fag Dius at yud e Malong. Ngay talun at ngay taw ay ngay fun at ngay fagsuguan nafalingun ay nafauri Yawi at fagsuguan. Ay Yawi glong sat fagsuguan te, “Ngay fun ban lumag emu, ay nangalindug gsuyu emu. Ngay fun ban nanmalub laman gseg emu. Umfasludan ban takatanya fagayu aroro au wan, Yawi at matuyan, ay Israel at Dius at yud e Malong, at nafili emu.”

Isayas 53:3

Ngay taw nafalingun ay naiyan anya. Ay andasug sa anya at masait ay at maidap. Natalyuyan tam anya ay nafalingun, ay wa tam nasuyu ya.

Mateu 14:1

Ginanya, Erudes, talun Galilea at fun. Kanya nadungug sabaliwas Isus at nafakamulun.

Mateu 14:3

Erudes nalong takatanya aroro ebi ataw kanya andadwa sat kaka Felipe at mangena Erudias. Uan glong gugat sas Erudes te, “Kamabo way o tam faugali nu gtiug o anya.” Nu katanya, kanya nafagamat ay nafaubung Uan laman gfaylatan Erudias.

Mateu 14:6

Ay abandi Erudes anke fagmafulun gina ndasug at fangasalug fag menit. Ay Erudias at baguina gfalelegan at bilug sis salubangan ngay mangama at maful sanya. Ay Erudes maksvn nu kaylat.

Markus 9:12

Ay Isus nalong anya te, “Matuyan Elyas umdasug laman namalganan nusnge wain. Ay wain at faginrirukun sis Dius at Longan te, Taw at Baguama ngayu at fagnandalanun fagidapun, ay tiba bank taw gaiyan anya?

Lukas 23:10

Ay ngay fun tagfon fanggalangun ay ngay tagfoyung Muisis at Faugali malindug sanya ay maksvn nu gfantabugan te, Isus e asalanan.

Uan 19:5

Ay Isus naduksun gasangboan madugi ay galanbungan masialungan. Ay Pilatu nalong sanya fag ngay taw te, “Damai tuy fag taw.”

Santiagu 2:2

Kata nangus sik taw at maramraman at ke fanumyu at mawatan gintu ay ke lanbung mafanud nasakbo sa ay bale fakafulan. Ay sik taw at yud e kwa nasakbo yangay sanya.

Santiagu 2:3

Ay ay fakamulun sat maramraman masine tua; nalong am sa anya te, “Malunggungi ste sit masine fag faglunggungan,” ay nalong am sat yud e kwa te, “Malindugi way sna,” ay mannga, “Malunggungi sis salug.”