Lukas 22:62 - Fanawbuid tagsibaliwas Fakayabian

⁶² Ay Pedru naduksun ay maksvn nu gwayway.

Lukas 22:62 ပူးပေါင်းရင်းမြစ်များ

Alubad. 38:18

Nu katanya, katsi glong au sa emu ku ngay asalanan tagfaidapan angku.

Eremyas 31:18

Nadungug au ngay taw Efraim nu gfandeng glong te, “Yawi, kata waymi sik ngay riangan baka at yud annanad e fantungud liug, dewa katanya, nafoyung tuo emi nu setain nu gfaning ami emu. O wan em Dius Yawi, nu katanya katsi, fafolii emi sa em fagbanwanan.

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.

Sakaryas 12:10

“Namon au sas Dabid at kasugfunanan ay sa sangay taw Erusalem sik mafangesug ay at mafandarangin fag falad. Kanya fagayu gdama angku at naurus, ay kata sik fagtainan gwayway at sisian tagsesadi nu nbul.

Mateu 26:75

Ay Pedru namatang ebi ataw Isus at longan anya te, “Gina ro tabag yud natarakit, tulu ginan ro wo kamuag te, wo toglag angku.” Ay Pedru naduksun ay maksvn nu gwayway.

Mateu 5:4

Mauseganan ngay taw takabalu, aroro kanya gbul ban Dius at nafatuyanan.

Markus 14:72

Ay arodi vtv sik tabag gtarakit at fadua ginan, ay Pedru namatang ebi ataw Isus at longan anya te, “Gina ro tabag yud natarakit at fadua ginan, tulu ginan ro wo kamuag te, wo toglag angku.” Ay Pedru nawayway maksvn.

Lukas 22:61

Tam Fun anbiling ay nadama Pedru. Ay Pedru namatang tam Fun at nalong sa anya te, “Gina ro tabag yud natarakit, tulu ginan ro wo kamuag te, wo toglag angku.”

Lukas 22:63

Kafag ngay taw tagulit Isus, gfalingun anya ay gfalang.

1 Kurintu 10:12

Nu katanya, mataganani tua nusnga sinu tagamatangan te, maksvn wan nu gafanud, laman di gatabanan sas asalanan.