Lukas 22:52 - Fanawbuid tagsibaliwas Fakayabian

⁵² Ngay fun tagfon fanggalangun ay ngay tagulit Dius at bale at ngay fun, ay ngay fagtainan andasug laman nanggamat Isus, ay Isus nalong sa anya fagayu te, “Nataw ay fagsteun ngayu gafisoan ay e ngay ba famalang nanggamat angku kata nu e ggamat sik tagfangkamul?

Lukas 22:52 ပူးပေါင်းရင်းမြစ်များ

2 Fun 11:15

Ay Euyada nasugu sa sangay fun tagfawayan te, “Faduksuni Atalya ay fabuli wan fagayu takaylat ggubuk anya. Lag am gfabul anya iste sis Yawi at bale.”

Mateu 26:47

Ay kaduge Isus garingang, Udas, Isus at labi duak nasugu at sadi, andasug e ufud sik ngay taw ngayu gafisoan ay e famalang. Kanya fagayu, ngay fun tagfon fanggalangun ay taw Udyu at ngay fagtainan at nasugu.

Mateu 26:55

Ay ginanya Isus ginto sanya fag ngay taw te, “Nataw ay fagsteun ngayu gafisoan ay e ngay ba famalang? O nanggamat am angku kata nu ggamat am sik tagfangkamul? Kayu menit malunggung kway sis Dius at bale ay gfoyung, ay diam nagamat angku.

Lukas 22:37

Aroro gfoyung au ayu te, at masine nu namafasludan kban tuy fag Rirukan te, ‘Natap anya kata sik tagasalanan.’ Ay katsi kafasludan wan kafag Rirukan.”

Lukas 22:4

Ay Udas nalao laman namakamatoan ngay fun tagfon fanggalangun ay sa sangay fun tagulit sis Dius at bale te, setain nu namoyung Isus sa anya fagayu.

Lukas 22:51

Ay Isus nalong te, “Lagi, lag gfakamulun takatanya.” Ay Isus nated kafag taw at talinga ay nafafia.

Lukas 22:53

Kayu menit si koma gugat Dius at bale magamut ayu, ay wam nagamat angku. Dewa katanya, katsi ya ay buknga gina fagmadulumun tagfunan.”

Uan 17:12

Kaduge au magamut kafag ngay taw, nadiri au anya fagayu siginan am nafon angku fag ngayan at fagmabalyananun. Nalaga au fia kafag ngay taw ay nusdi sadi di e nfaurianan sas day kafag taw at nangafaurianan laman gfafasludan kata at marirukan sis Dius at Longan.

Fakamulun 5:26

Ngay tagulit at fun ay at fagfanggunaun fag ngay tagulit, nalo sas Dius at bale, ay gdog nataban Isus at ngay nasugu, dewa katanya wa nafalimuanan nu ggamat aroro kalimu te, ngay taw mafana anya gang.