Lukas 22:30 - Fanawbuid tagsibaliwas Fakayabian

³⁰ Gfasfuan ban am angku gfangon ay ginum si ku fagfagtainanan fag fagfangonan. Ay malunggung ban am sas fanfun fag ngay faglunggungan laman ban namagtainan am Israel at ngay kasugfunanan fag labi dua.

Lukas 22:30 ပူးပေါင်းရင်းမြစ်များ

2 Samwel 19:28

Nangus nafabul wo ku fufuama at kalongan fagayu, dewa katanya, naylat o nu gfasfuan au emu gfangon. Nu katanya, katsi kwa maet ya sa emu at maylat.”

Alubad. 49:14

Kanya fagayu at fagnangadasugan sa ways fagfolian. Ay fakabulun wan tagtabanan anya fagayu sanya sfagfolian, kata sik tagalaga tupa nu gfangguna. Ay umdasug ban sik balabag, at matuyan fag ngay taw gfangguna kafag ngay taw. Kanya fagayu wa si ya at ngay mesa bale, abat ngate, at ngay bilug kadan wan sis fagfolian.

Mateu 19:28

Ay Isus nabalus anya te, “Matuyan nu glong au ayu te, Dius ban gfabagu nusnge wain, ay au, Taw at Baguama, gmalunggung au sa ku fagmalunggungan ke fagmasineun, laman namagtainan. Ginanya ban, am tagalo angku, malunggung yangay ban am sas labi duak faglunggungan kata sik ngay fun. Ay nanginsaful ban am at masine ay at mauri sas labi duak kasugfunanan Israel.

Mateu 5:3

“Mauseganan ngay taw at yud e kwa tagsarig tua Dius, aroro Dius gfagtainan tua anya.

Mateu 8:11

Glong au ayu te, ngayu bank taw umdasug siginans fakamenitan ay siginans fakayabian ay malunggung gfangon gasfuan Abrayam, Isak ay Akub gina ban Dius gfagtainan.

Lukas 12:37

Mauseganan ngay fagsuguan at mafuloan tua gugat gfanya at tagfayafun nu kadasug. Matuyan nu glong au ayu te, at tagfayafun namalganan at sadili ay namalunggung at ngay fagsuguan ay namon anya at yafun.

Lukas 14:15

At sadi at malunggung sis fagfangonan nu nadungug Isus at longan, nalong sas Isus te, “Mauseganan sik taw nu nanfangon nu sa tuas Dius at fagfagtainanan.”

2 Timuteu 2:12

Ay nu nagwantan tua tam, gfunan yangay ban tam gasfuan anya. Nu kauri way tam anya, kanya kauri yangay ban antam.

Santiagu 1:1

Au, Santiagu, Dius ay tam Fun Isus at fagsuguan. Gfadasug au ku longan sas taw Israel at kasugfunanan fag labi dua at nasaruayan sas fagdaul daga.

At Nafasure 19:9

Ay kafag tagbarita nalong sa angku te, “Riruki takatatuy: Mauseganan at nagewanan sas Tupa Riangan at fakadadwaan.” Ay nalong yay fia te, “Dius nalong takatanya, ay matuyan at ngay longan.”

At Nafasure 3:21

Ay nusnga sinu ban at nababo gfalunggung au sa sik faglunggungan tagsi ku day faglunggungan, ay kanya ban kata angku at nababo ay at malunggung si ku Mama at day faglunggungan.

At Nafasure 4:4

Ay duak safulu e ufatk faglunggungan gligung sanya, ay duak safulu e ufatk fagtainan malunggung sanya, ay kanya fagayu galanbungan malaksi ay gasangboan gintu.