Lukas 22:20 - Fanawbuid tagsibaliwas Fakayabian

²⁰ Ay katanya yangay, nu ntabu wan at yafun, Isus nabul sik taya ay nalong te, “Tuy fag taya tam bagu fag nasadian sa ku taguk, laman famalyam ay ngay asalanan.

Lukas 22:20 ပူးပေါင်းရင်းမြစ်များ

Nu Galin 24:8

Sanya ginan, Muisis nabul tagsi sangay taya fag taguk, ay nafaramsig sa sangay taw ay glong te, “Tuy fag taguk famaksvn Yawi at nasadian sa ayu, gina gfon ayu at ngay longan.”

Eremyas 31:31

Yawi nalong te, “Kadasug ban sik buknga, nangawat kban sik bagu fag nasadian sa sangay taw Israel ay sa sangay taw Uda.

Sakaryas 9:11

Yawi nadog yay nalong te, “Ay am fag ngay taw Israel, namalfas au at ngay natabanan si ayu. Kanya fagayu kata sik ngay taw at nafatong sa sik bubun at yud e mamam. Namalfas au anya fagayu aroro sa ku nasadian ku nawat sa ayu, ku nafaksvn siginans taguk.

Mateu 26:28

Tuy ku taguk takabusbus ban laman gfalyam ngayuk taw at asalanan, ay famatuyan Dius at nasadian sa sangay taw.

Markus 14:24

Ay kaya nalong te, “Tuy ku taguk takabusbus ban laman gfalyam ngayuk taw at asalanan, ay famatuyan Dius at nasadian sa sangay taw.

1 Kurintu 11:25

Ay katanya yangay, nu ntabu wan at yafun, Isus nabul sik taya ay nalong te, “Tuy fag taya tam bagu fag nasadian sa ku taguk. Galay am ginum tuy, fakamuluni gugat takatatuy laman gamatang am angku.”

2 Kurintu. 3:6

Kanya wan at nafon emi fagmakatuun laman tagfakamulun sat bagu fag nasadian, bundi takata at kinriruk sis Muisis at Faugali, nu bunway siginan tua at Masine fag Falad. Aroro kafag faugali at fungfung fakabulun way, ay at Masine fag Falad at fon leleg tua.

Ebreu 12:24

Ay andasug wam sas Isus, Tagwabilug sat Bagu fag Nasadian. At taguk at kinbusbus gfalyam asalanan, ay di kata Abel at taguk taget famasud.

Ebreu 13:20

Dius tagfon fagmanabayanun, kanya wan at nafadog yay nafaleleg tam tiba tungud fag Tagalaga, tam Fun Isus. Aroro siginan at nabulanan sas fasulungan kayu, at taguk nafaksvn at yud e fakatabuan fag nasadian.

Ebreu 9:15

Ay sit bagu fag nasadian, tam Fun Isus wan tagwabilug Dius sat nafili fag ngay taw. Aroro siginan at nabulanan, kanya nafalyam wan ngay taw at fakamaboun sa taguna fag nasadian. Nu katanya, Dius at nafili fag ngay taw mul tua ban at nafatuyanan fag famonun at yud e fakatabuan.

Ebreu 9:17

Aroro kanya fag rirukan ye tungkul kaduge kafag taw gleleg, nu kae tungkul gina ya kafag taw anbul.