Lukas 22:19 - Fanawbuid tagsibaliwas Fakayabian

¹⁹ Isus nabul sik tinapay ay nu naseg Dius, nalungud ay nafon sat ngay tagadal ay nalong te, “Tuy ku bilug at nafon laman sa ayu. Fakamuluni ban takatatuy, laman gamatang am angku.”

Lukas 22:19 ပူးပေါင်းရင်းမြစ်များ

Alubad. 111:4

Ay kanya gfamatang tua antam at ngay fakamulun at madulo. Kanya kamon ay mafangafanyu.

Sulumun at Alubad 1:4

Tabanani wa angku; gabanganan wata glao! Fun, tabani angku sam fagtiugan fag suluk. Sim day tigyangan manabayan tuami. Ay nu kaylat ami nu mafangesug o, gtungud yay nu kaylat ami fanlangu. Wa madulo kanya fag ngay mangena nu kesug emu.

Esekyel 37:11

Yawi gdog yay nalong sa angku te, “Taw at baguama, kanya fag ngay bini, ngay taw Israel, ay kanya fagayu glong te, ‘Em ngay bini an-gong wan, ay wami e fagsegun ya, ay ankamin ami.’

Esekyel 5:5

“Au, Yawi ay Fun, glong au te, katanya ban takadasug sas furuan Erusalem, ku nafili fag furuan sas fagdaul daga.

Daniel 2:38

Yawi nafagbilug wan sa emu ngay taw, ngay fagbaugun, ay ngay manuk tungud nusnga nday. Ay kata o kafag fagsegan at alfuyu at mawatan gintu.

Mateu 14:19

Ay Isus nalong sa sangay taw te, “Malunggungi sas wa makmak.” Ay Isus nabul kafag limak tinapay ay kafag duak albon, ay natangda sas banwa ay naseg Dius. Ay nu ntabu wan, kanya nalungud at ba tinapay ay nafon sat ngay tagadal. Ay at ngay tagadal nafon sa sangay taw.

Mateu 15:36

Ay Isus nagalumutan kafag fituk tinapay ay fag ngay albon ay naseg Dius, ay nalungud ay nafon sat ngay tagadal. Ay at ngay tagadal nafon sa sangay taw.

Lukas 22:17

Isus nabul sik taya, ay nu naseg Dius, kanya nalong te, “Na. Afudani.

Lukas 22:20

Ay katanya yangay, nu ntabu wan at yafun, Isus nabul sik taya ay nalong te, “Tuy fag taya tam bagu fag nasadian sa ku taguk, laman famalyam ay ngay asalanan.

Lukas 24:30

Ay gina gfasfuan duama gfangon, Isus nabul tinapay ay nafauseganan Dius, ay nalungud ay nafon sas duama.

Uan 6:23

Ay tibak sakayan lino siginans furuan Tiberias andasug munakbang sa kafag ngay taw at fagmafulan nu inda ngay taw nu kon tinapay gina tam Fun naseg Dius.

Uan 6:51

Au wan tagsiginans banwa fag fakonun tagfon leleg. Nusnga sinu tua ban at naon kanya fag fakonun gleleg tua ban kabavn. Ku fagnamonun fag fakonun ku bilug wan, laman namon au leleg at yud e fakatabuan sas fagayu taw ste swa daga.”

1 Kurintu 10:16

Ansadi tam sa tam Fun Isus at taguk nu nainum tam gina tam Fun at yafun, ay guseganan tam sas Dius. Ay ansadi yangay tam sat bilug nu naon tam kafag sadik tinapay.

1 Kurintu 10:4

ay kanya fagayu nainum yangay sik fanfalad fag mamam, aroro kanya fagayu nainum siginans fanfalad fag gang tagufud anya fagayu, ay kanya fag gang tam Fun Isus.

Galasya 1:4

Tam Fun Isus nafon at leleg laman gfalyam tam ngay asalanan, kata tam Dius at fakaylatun, laman gfalangfe antam siginans fagmauriun tagfunan ste swa daga.

Galasya 4:25

Agar, sik fafaskudanan Buksul Sinay sis talun Arabya, ay kata yangay katsi fag furuan Erusalem aroro kanya anggan at ngay sisian sik ngay fagsuguan way lang.

Efesu 5:2

Ugalii ke fakesugun kata tam Fun Isus nu kesug antam. Kanya nafon at leleg sik mabebanglu fag fanggalangun sas Dius laman sa antam.

1 Tesalunika 5:18

kabavn segi Dius nusnge wain at kinfasludan sa ayu, aroro katanya tua Dius at fakaylatun sa ayu tagfaning tam Fun Isus.

Titu 2:14

Kanya nafon at sadili laman gfalangfe antam siginan fagayu asalanan ay gfasine antam laman Dius tua tam at ngay taw takaylat gfakamulun at masine.

1 Pedru 2:24

Siginan at nabulanan sas fasulungan kayu, kanya nabuba wan tam ngay asalanan laman gubun watam ay gugali tua tam at matuyan. Anfia wam siginan at ngay fakarukan.