Lukas 21:8 - Fanawbuid tagsibaliwas Fakayabian

⁸ Ay Isus nabalus te, “Mataganani tua laman diam gadayan tibak taw. Aroro ngayu bank taw kadasug ay glong te, ‘Au wan Dius at nafili fag Fun.’ Ay tiba ban ktaw glong te, ‘Katsi wan taguyan fag buknga.’ Dewa katanya, lag ban am gafanud sa kafag ngay taw.

Lukas 21:8 ပူးပေါင်းရင်းမြစ်များ

Eremyas 29:8

Yawi at Mabalyanan, Israel at Dius, glong yangay fia te, “Lag am gafaylatan ay ngay taglong ay ay kaiban fag ngay taginsaful nu kamuag sa ayu. Ay lag am gafanud sat ngay taginfan.

Mateu 24:11

Ay ngayu ban takadasug ay kamuagan te, ‘Au wan Dius at taglong at sadi,’ ay nandaya ban ngayuk taw.

Mateu 3:2

“Ubuni ay ngay asalanan, aroro munakbang wan Dius sas banwa nu gfagtainan taw.”

Mateu 4:17

Siginan ginanya fag menit, Isus gfasigad gfoyung te, “Ubuni ay ngay asalanan, aroro munakbang wan Dius sas banwa nu gfagtainan taw.”

Lukas 17:23

Ay tibak taw nu nalong ban ayu te, ‘Sna wan,’ ay ‘ste wan,’ lag ban am sanya. Lag ban nangalo anya.

Lukas 21:7

At ngay tagadal nainto sas Isus te, “Takamoyung, seduge ban nu kafasludan takatanya, ay setain ban nu saful ami te, gakafasludanun wan?”

Lukas 21:9

Ay dewa ban am e dungganan te, e gawayan ay e kamabo at fun, lag ban am kalimu. Matuyan, umfasludan takatanya taguna, dewa katanya, ya ban vtv kadasug at fakatabuan.”

Uan 5:43

Siginan ku Mama at fagmabalyananun andasug au ste sdaga, dewa katanya, wam kaylat angku. Ay tiba ro ktaw nu ndasug ay gfoyung sat sadili fagmabalyananun, kanya way ay fagnamaningun.

Uan 8:24

Aroro katanya, aro nalong kwa ayu te, kabul ban am gina yud nafalyam ay ngay asalanan. Matuyan, kabul wam fia gina yud nafalyam ay ngay asalanan nu dway am gafanud te, Au, au wan.”

Uan 8:28

Ay Isus glong te, “Nu nafabat waban am Taw at Baguama, sumaful wam te, Au, au wan. Kwe fagmafakamulunun nu ku sadili way lang. Nusnga setaw ku longan gfaning au kata ku Mama at nafoyung angku.

1 Kurintu 6:9

O nunda yam nasaful te, ngay taw tagfakamulun at mauri wa ban umful sas Dius at fagfagtainanan? Lag am gdaya ay sadili. Aroro, ngay taw tagfanugtug tibama at mangena ay sat yud e mangama, ay tagseg at yud matuyan fag ngay fagsegan, ay tagfanugtug sat usama,

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

2 Tesalunika 2:3

Lag am gadayan nusnga sinu fag taw at foyungan, aroro ya kadasug kanya fag menit yakmay e gfawayan Dius, ay yakmay ban andasug at mauri fag taw tagafaurianan ban kabavn.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

2 Uan 1:7

Ngayuk tagfandaya nalo sas fagdaul daga. Kanya fag ngay taw at yud gafanud te, Isus ansik taw. Ay kanya fagayu gfandaya ay gfawayan tam Fun Isus.

At Nafasure 1:3

Mauseganan tagtap ay tagdungugan tuy fag fagtapan ay tagfaning tua fia sas fagdaul at amatanganan, aroro gakafasludanun wan.

At Nafasure 12:9

Ay e naukas ule daul, at madanama fag ule at ngayan te, Takamuag, ay Satanas, tagdaya sas fagdaul daga at taw. E naukas anya sas daga, gasfuan at ngay tagbarita.